Զիդանը պատռել է տաբատը Չեմպիոնների լիգայի հանդիպման ժամանակ Բենզեմայի վրիպումից հետո (ՏԵՍԱՆՅՈՒԹ)

ԵՐԵՎԱՆ, 14 ապրիլի. /Նովոստի-Արմենիա/. Մադրիդի «Ռեալի» գլխավոր մարզիչ Զինեդին Զիդանը պատռել է տաբատը Չեմպիոնների լիգայի քառորդ եզրափակչի շրջանակում գերմանական «Վոլֆսբուրգի» հետ պատասխան խաղի ժամանակ (3:0):

Դրվագի տեսանյութը հրապարակված է FD FILMZ օգտատիրոջ YouTube-յան ալիքում, հայտնում է Lenta.ru-ն:

Ֆրանսիացի մասնագետը բուռն կերպով է արձագանքել հանդիպման 81-րդ րոպեին տեղի ունեցած միջադեպին, երբ «Ռեալի» հարձակվող Քարիմ Բենզեման հարմար դիրքից հարվածել է գերմանական թիմի դարպասին, սակայն դարպասապահը փրկել է իրավիճակը։ Զիդանը կտրուկ շարժում է արել պահեստայինների նստարանի ուղղությամբ, ինչից հետո նրա տաբատը պատռվել է: -0-