Ռիոյի Օլիմպիադայում «Արցախ» ստեղծագործության ներքո հանդես եկած Սեդա Թութխալյանը դուրս է եկել եզրափակիչ

ԵՐԵՎԱՆ, 8 օգոստոսի. /Նովոստի–Արմենիա/. Ռիոյի Օլիմպիադայում Ռուսաստանը ներկայացնող Սեդա Թութխալյանը, ով Օլիմպիադայի որակավորման փուլում հանդես եկավ Արա Գևորգյանի «Արցախ» ստեղծագործության ներքո, դուրս է եկել մրցաշարի եզրափակիչ։

Ռուսաստանաբնակ մարմնամարզիկ Սեդա Թութխալյանն Օլիմպիադային ազատ վարժությունը կատարեց «Արցախ» երաժշտության ներքո>>

Թութխալյանը, որակավորման փուլի արդյունքներով, վաստակել է 58,207 միավոր և, զբաղեցնելով 5–րդ տեղը, դուրս է եկել անհատական բազմամարտի եզրափակիչ։

Հայաստանը ներկայացնող Հուրի Գեբեշյանը զբաղեցրել է 38–րդ տեղը և չի կարողացել հաղթահարել որակավորման փուլը։

Անհատական բազմամարտի եզրափակիչը տեղի կունենա օգոստոսի 11–ին։

17-ամյա գյումրեցի Սեդա Թութխալյանը 2014 թ.-ի պատանեկան Օլիմպիական խաղերի բացարձակ չեմպիոն է, 2015 թ.-ի Բաքվի Եվրոպայի խաղերի հաղթող և մրցանակակիր: -0-