ԵՐԵՎԱՆ, 22 օգոստոսի. /Նովոստի–Արմենիա/. Ռիո դե Ժանեյրոյի քաղաքապետ Էդուարդո Պաեսը օլիմպիական դրոշը փոխանցեց Տոկիոյի քաղաքապետ Յուրիկո Կոիկեին Ռիոյում խաղերի փակման հանդիսավոր արարողության ժամանակ, հաղորդում է
ՏԱՍՍ–ը։
Բրազիլիայի նախագահի պաշտոնակատար Միշել Տեմերն ավելի վաղ տեղեկացրել է, որ չի մասնակցի «Մարականա» մարզադաշտում նախատեսված փակման արարողությանը ծանրաբեռնված աշխատանքային ժամանակացույցի պատճառով։
Սակայն, տեղական ԶԼՄ–ների տվյալներով, Տեմերը պարզապես չի ցանկացել, որպեսզի հանդիսատեսը կրկին սուլի, ինչպես դա տեղի ունեցավ Օլիմպիադայի բացման արարողության ժամանակ։ –0–
