Պորտուգալիայի հավաքականը պատմության ընթացքում երկրորդ անգամ դուրս եկավ Եվրոպայի ֆուտբոլի առաջնության եզրափակիչ

ԵՐԵՎԱՆ, 7 հուլիսի. /Նովոստի–Արմենիա/. Պորտուգալիայի հավաքականը 2։0 հաշվով հաղթեց Ուելսի հավաքականին և դուրս եկավ Եվրոպայի առաջնության եզրափակիչ։

Գոլի հեղինակներ դարձան Քրիշտիանու Ռոնալդուն (50–րդ րոպե), ով Եվրոպայի առաջնության շրջանակում խփած գոլերի քանակով կրկնեց ֆրանսիացի Միշել Պլատինիի ռեկորդը (9) և Նանին (53)։

Առաջնության հիմնականում ժամանակում տարած առաջին հաղթանակի շնորհիվ պորտուգալացիները պատմության ընթացքում երկրորդ անգամ դուրս եկան Եվրոպայի առաջնության եզրափակիչ։ 2004 թ.–ին Պորտուգալիայի հավաքականը եզրափակչում 0։1 հաշվով զիջեց Հունաստանի հավաքականին։

Հուլիսի 10–ին Պորտուգալիայի հավաքականը եզրափակչում ուժերը կչափի Գերմանիա–Ֆրանսիա զույգի հաղթողի հետ, որը կորոշվի հուլիսի 7–ին նախատեսված հանդիպման ժամանակ։–0–