ԵՐԵՎԱՆ, 21 դեկտեմբերի. /Նովոստի Արմենիա/. «Մանչեսթեր Յունայթեդի» նախկին պաշտպան, Բրիտական հեռուստատեսության փորձագետ Ֆիլ Նևիլը քննադատել է Հայաստանի հավաքականի ավագ ու «Մանչեսթեր Յունայթեդի» կիսապաշտպան Հենրիխ Մխիթարյանի խաղը, հայտնում է Mirror-ը:
Ըստ Նևիլի, հայ ֆուտբոլիստը չկարողացավ հաղթահարել «կարմիր սատանաների» գլխավոր մարզիչ Ժոզե Մոուրինյուի դրված խնդիրները։
Загружается новость ... "Лево"
«Շատերը քննադատում են Մոուրինյուին Մխիթարյանի հանդեպ վերաբերունքի համար, սակայն դա անհիմն է: Հենրիխը զոհ չէ: Իրականում նրա բախտը բերել է, որ նա հայտնվել է «Մանչեսթեր Յունայթեդում»: Եթե դուք չեք խաղում, դուք չպետք է լինեք թիմում: Դա Մոուրինյուի անձնական գործը չէ, դա բիզնես է», - հայտարարել է Նևիլը:
Դեկտեմբերի 20-ին Հենրիխ Մխիթարյանը շուրջ մեկ ամսվա մեջ առաջին անգամ դաշտ դուրս եկավ ՄՅՈւ–ի կազմում Անգլիայի լիգայի գավաթի` «Բրիսթոլ Սիթիի» դեմ խաղում։ ՄՅՈւ–ն պարտվեց 1:2 հաշվով` բաց թողնելով վճռորոշ գոլը խաղի 93-րդ րոպեին:
Загружается новость ...
"Право"
Մինչ այդ հայ ֆուտբոլիստը վերջին անգամ խաղադաշտ էր դուրս եկել նոյեմբերի 25–ին «Բրայթոնի» դեմ խաղում։ Հաղորդվում է, որ այդ հանդիպումից հետո Մխիթարյանի ու ակումբի գլխավոր մարզիչ Ժոզե Մոուրինյուի միջև կոնֆլիկտ է տեղի ունեցել։
Դրանից հետո ԶԼՄ–ներում տեղեկատվություն հայտնվեց այն մասին, որ Մխիթարյանը կարող է հեռանալ ՄՅՈւ–ից, ինչն անուղղակիորեն հաստատեց նաև Մոուրինյուն`նշելով, որ եթե Մխիթարյանի համար արժանի գին առաջարկվի, ապա հնարավոր է` նա հեռանա ակումբից հունվարյան տրանսֆերային պատուհանի ժամանակ։
Մամուլում տեղեկատվություն հայտնվեց նաև, որ հայ կիսապաշտպանը կարող է վերադառնալ Դորտմունդի «Բորուսիա»։
Corriere dello Sport իտալական հրատարակությունն իր հերթին տեղեկացրել է, որ Մխիթարյանը, հնարավոր է, անցնի Միլանի «Ինտեր» վարձակալական հիմունքներով։
Նշենք, որ Մխիթարյանն այս խաղաշրջանում «Մանչեսթեր Յունայթեդի» կազմում խաղացել է 17 հանդիպումներում` խփելով երկու գոլ և կատարելով հինգ փոխանցում:–0–
