ԵՐԵՎԱՆ, 30 հունվարի. /Նովոստի-Արմենիա/. Անգլիական «Մանչեսթեր Յունայթեդի» գլխավոր մարզիչ Ժոզե Մոուրինյուն անդրադարձել է հայ կիսապաշտպան Հենրիխ Մխիթարյանին:
Մխիթարյան. Փորձում ենք լավ խաղալ, որ հնարավորություն ստանանք մասնակցելու հաջորդ հանդիպմանը>>
«Երբ նա միացավ թիմին, ես և Միկին կարծում էինք, որ նա պատրաստ է: Դա դրական ազդեցություն ունեցավ, դրանից հետո դադար եղավ «Տոտենհեմի» հետ խաղում ստացված վնասվածքի պատճառով: Այնուհետև նա վերադարձավ և շարունակեց լավ խաղալ, ուստի ուրախ ենք նրա համար»,- նշել է Ժոզե Մոուրինյուն, հաղորդում է armsport.am-ը` հղում անելով sportsmole-ին:
Նախօրեին Անգլիայի Գավաթի շրջանակում «Մանչեսթեր Յունայթեդը» 4:0 հաշվով
ջախջախել է «Ուիգանին»: Խաղի 74-րդ րոպեին գոլի հեղինակ է դարձել նաև Հայաստանի հավաքականի կիսապաշպան Հենրիխ Մխիթարյանը: -0-