Մխիթարյանը մոտ է Դորտմունդի «Բորուսիայի» հետ պայմանագրի երկարացմանը

ԵՐԵՎԱՆ, 25 դեկտեմբերի. /Նովոստի–Արմենիա/. Հայաստանի ֆուտբոլի հավաքականի և Դորտմունդի «Բորուսիայի» կիսապաշտպան Հենրիխ Մխիթարյանը մոտ է ֆուտբոլային ակումբի հետ պայմանագրի երկարացմանը, հաղորդում է Bild–ը։

Ֆուտբոլիստի և ակումբի միջև բանակցությունները պետք է ավարտվեն Նոր տարուց հետո։ «Բորուսիայի» հետ Մխիթարյանի պայմանագրի ժամկետը լրանում է 2017 թ.–ին, հաղորդում է Р-Спорт–ը։

Հաղորդվում է, որ «Բորուսիայի» մի խումբ ֆուտբոլիստների պայմանագրերի ժամկետները լրանում են 2017 թ.–ին։ Հարկավոր է նոր պայմանագրեր կնքել Մաթս Հումմելսի, Իլկայ Գյունդոգանի, Մարսել Շմելցերի, Սվեն Բենդերի, Լուկաշ Պիշչեկի և Մորից Լյայտների հետ։

Մխիթարյանը դեկտեմբերին 5–րդ անգամ անընդմեջ Հայաստանում ճանաչվել է տարվա լավագույն ֆուտբոլիստ։ Այս սեզոնում տարբեր մրցաշարերում Մխիթարյանը «Բորուսիայի» կազմում դարձել է 15 գոլի և 19 գոլային փոխանցումների հեղինակ։–0–