Լևոն Աղասյանը՝ աթլետիկայի Աթենքի մրցաշարի հաղթող

ԵՐԵՎԱՆ, 16 մայիսի. /Նովոստի-Արմենիա/. Աթլետիկայի Աթենքի միջազգային մրցաշարում Հայաստանի ներկայացուցիչ Լևոն Աղասյանը գրավել է առաջին հորիզոնականը, սակայն չի կարողացել Ռիոյի Օլիմպիական խաղերի վարկանիշ նվաճել, հաղորդում է ՀԱՕԿ լրատվության բաժինը:

Աթենքում կայացած մրցաշարի հեռացատկում Աղասյանը ցատկել է 16մ 16սմ և 7 մասնակիցների շարքում գրավել առաջին տեղը: Տղաների նորմատիվը, որը թույլ կտար Օլիմպիական խաղերի վարկանիշ ձեռք բերել 16 մ 85 սմ էր:

Կանանց պայքարում Հայաստանի ներկայացուցիչ Ամալյա Շառոյանը հեռացատկում գրանցել է 6 մ 33 սմ: Այստեղ օլիմպիական վարկանիշային նորմատիվն էր 6մ 70 սմ-ը:

ՀԱՕԿ-ի հաղորդմամբ` Հայաստանի հավաքականի անդամները Ռիոյի ամառային Օլիմպիական խաղերի վարկանիշի համար կպայքարեն արդեն մայիսի 21-ին Ալբանիայի մայրաքաղաք Տիրանայում կայանալիք մրցաշարում: -0-