Ջորկայեֆ. չեմ զարմանա, եթե Մխիթարյանին հրավիրեն «Ռեալ» կամ «Բարսելոնա»
ԵՐԵՎԱՆ, 3 մարտի. /Նովոստի–Արմենիա/. Հայաստանի հավաքականի և Դորտմունդի «Բորուսիայի» կիսապաշտպան Հենրիխ Մխիթարյանը կարող է խաղալ «Ռեալի» և «Բարսելոնայի» կազմում, կարծում է Եվրոպայի և աշխարհի չեմպիոն Յուրի Ջորկայեֆի հայրը` Ժան Ջորկայեֆը, ով Ֆրանսիայի հավաքականի նախկին ավագն է եղել։
«Գործող ֆուտբոլիստներից ես կառանձնացնեմ Հենրիխ Մխիթարյանին «Բորուսիայից»: Բազմակողմանի, հետաքրքիր ֆուտբոլիստ է: Նա մեծ ապագա ունի եվրոպական ֆուտբոլում։ Չեմ զարմանա, եթե ամռանը նրան հրավիրեն «Ռեալ», «Բարսելոնա» կամ անգլիական առաջատար ակումբներից մեկը», – ասել է Ջորկայեֆը «Իզվեստիային» տված հարցազրույցում։
Նա նաև նշել է, որ հիմա Ռուսաստանի հավաքականում չկան Մխիթարյանի նման վառ աստղեր։
Ժան Ջորկայեֆի կինը հայուհի է, և Ջորկայեֆների ընտանիքը սերտ կապերի մեջ է Հայաստանի և Ֆրանսիայում հայկական համայնքի հետ։ –0–
