Ինչո՞ւ է Մոուրինիուն դժգոհ Հենրիխ Մխիթարյանի խաղից

ԵՐԵՎԱՆ, 2 հոկտեմբերի. /Նովոստի-Արմենիա/. Ամռանը «Մանչեսթեր Յունայթեդը» վճարեց Հենրիխ Մխիթարյանի համար 42 մլն եվրո, չնայած, որ Դորտմունդի «Բորուսիայի» հետ պայամագրի ավարտին մնացել էր ընդամենը մեկ տարի: Ստուգիչ հանդիպումների ժամանակ Մոուրինիուն Մխիթարյանին ընդգրկում էր մեկնարկային կազմում, ապա բազմիցս գովաբանում և, ըստ արժանվույն գնահատելով, նշում, որ շուտով նոր խաղացողն իր մասին կհայտնի ողջ թափով:

Պրեմիեր լիգայի մեկնարկային խաղերում Մխիթարյանին տրամադրված 15-30 րոպեներից հետո, Մոուրինիուն դուրս բերեց Մխիթարյանին «Մանչեսթեր Յունայթեդի» մեկնարկային կազմում դերբիի հանդիպմանը: Սակայն պորոտուգալացին փոխարինեց հայ ֆուտբոլիստին ընդմիջման ժամանակ, ապա նշեց, որ դժգոհ է հայ մարզիկի խաղից, հաղորդում է sports.ru-ն:

Մխիթարյանը՝ տարվա «մահացու» փլեյմեյքերների տասնյակում (ՏԵՍԱՆՅՈւԹ)>>

Մամուլի ասուլիսի ժամանակ Մոուրինիուն պատմություն «հորինեց», որ Մխիթարյանը, իբր փորձ չունի բարձր մակարդակի հանդիպումներում ելույթ ունենալու՝ կարծես մոռանալով, որ նա շաբաթը երկու անգամ «Բորուսիայի» կազմում դուրս էր գալիս «Սիգնալ Իդունա Պարկի» մարզադաշտ՝ 80 հազարանոց հանդիսատեսի առջև, խաղացել է Գերմանիայի գավաթի երեք եզրափակիչներում և Չեմպիոնների լիգայի փլեյ-օֆում:

Մոուրինիուն ցանկանում է, որ Մխիթարյանն ընտելանա թիմում և Պրեմիեր լիգայում: Նա չի խնայում այն խաղացողներին, ովքեր հիասթափեցրել են իրեն: Ուժեղ խաղացողները կարող են վերականգնել մարզչի վստահությունը, իսկ զգայուն խաղացողներին, ինչպիսին է Մխիթարյանը, փոքր-ինչ ավելի բարդ է: Վնասվածքից հետո Մոուրինիուն, հավանաբար, կրկին կհայտավորի Հենրիխին, սակայն ոչ այնպիսի թիմերի դեմ, ինչպիսին է «Մանչեսթեր Սիթին»: -0-