Հռիփսիմե Խուրշուդյանն ու Նազիկ Ավդալյանը «ոսկի» են նվաճել ծանրամարտի Հայաստանի առաջնությունում

ԵՐԵՎԱՆ, 15 փետրվարի. /Նովոստի–Արմենիա/. Երևանում կիրակի մեկնարկել է ծանրամարտի Հայաստանի առաջնությունը, հաղորդում է Հայաստանի ազգային օլիմպիական կոմիտեի մամուլի ծառայությունը։

Մրցումային առաջին օրը մրցանակային տեղերի համար պայքարել է 25 կին ծանրորդ:

«Հայաստանի չեմպիոնի կոչմանն արժանացան Երանուհի Պետրոսյանը 48 կգ (105 կգ), Աննա Գովելյանը 53 կգ (175 կգ), Աղունիկ Հակոբյանը 58 կգ (151 կգ), Քրիստինե Պետրոսյանը 63 կգ (208 կգ), Նազիկ Ավդալյանը 69 կգ (220 կգ), Սոնա Պողոսյանը 75կգ (226 կգ), Հռիփսիմե Խուրշուդյանը 75+ կգ (266 կգ)», – նշվում է հաղորդագրության մեջ։

Փետրվարի 15-ին մրցահարթակ դուրս կգան 56 կգ և 62 կգ քաշային կարգի ծանրորդները:–0–