Հենրիխ Մխիթարյանը շուրջ մեկ ամսվա մեջ առաջին անգամ դաշտ դուրս եկավ ՄՅՈւ–ի կազմում

ԵՐԵՎԱՆ, 21 դեկտեմբերի. /Նովոստի–Արմենիա/. «Մանչեսթեր Յունայթեդի» և Հայաստանի հավաքականի կիսապաշտպան Հենրիխ Մխիթարյանը շուրջ մեկ ամսվա մեջ առաջին անգամ դաշտ դուրս եկավ ՄՅՈւ–ի կազմում Անգլիայի լիգայի գավաթի` «Բրիսթոլ Սիթիի» դեմ խաղում։ 

Մխիթարյանը 69–րդ րոպեին փոխարինեց Զլատան Իբրահիմովիչին։

Դրանից հետո ԶԼՄ–ներում տեղեկատվություն հայտնվեց այն մասին, որ Մխիթարյանը կարող է հեռանալ ՄՅՈւ–ից, ինչն անուղղակիորեն հաստատեց նաև Մոուրինյուն`նշելով, որ եթե Մխիթարյանի համար արժանի գին առաջարկվի, ապա հնարավոր է` նա հեռանա ակումբից հունվարյան տրանսֆերային պատուհանի ժամանակ։

Corriere dello Sport իտալական հրատարակությունն իր հերթին տեղեկացրել է, որ Մխիթարյանը, հնարավոր է, անցնի Միլանի «Ինտեր» վարձակալական հիմունքներով։

Նշենք, որ Մխիթարյանն այս խաղաշրջանում «Մանչեսթեր Յունայթեդի» կազմում խաղացել է 17 հանդիպումներում` խփելով երկու գոլ և կատարելով հինգ փոխանցում:–0–