Հենրիխ Մխիթարյանը նշել է Վենգերի ու Մոուրինյուի տարբերությունը

ԵՐԵՎԱՆ, 12 փետրվարի. /Նովոստի Արմենիա/. Լոնդոնի «Արսենալի» կիսապաշտպան ու Հայաստանի հավաքականի ավագ Հենրիխ Մխիթարյանը համեմատել է «Արսենալի» գլխավոր մարզիչ Արսեն Վենգերին ու «Մանչեսթեր Յունայթեդի» գլխավոր մարզիչ Ժոզե Մոուրինյուին, հայտնում է Daily Mail-ը:

«Մոուրինյուն հաճախ կոպիտ էր լինում: Վենգերն ավելի ընկերասեր է, մտնում է դրության մեջ և ավելի հանգիստ է ամեն ինչին վերաբերվում: Այ սա է տարբերությունը», - ասել է Մխիթարյանը:

«Կես տարում մենք երեք գավաթ ենք նվաճել, ոչ բոլոր ակումբներն են նույնն անում: Հաղթել ենք Եվրոպա լիգան, ես դարձա գոլի հեղինակ: Եթե մարդիկ ասում են, որ հաջողություն չեմ ունեցել այդ ակումբում, ապա դա իրենց կարծիքն է: Սակայն ես կարող եմ ասել, որ մեծ հաջողություններ եմ ունեցել այդ ակումբում», - ասել է Մխիթարյանը:

Հենրիխ Մխիթարյանը Լոնդոնի «Արսենալ» է տեղափոխվել «Մանչեսթեր Յունայթեդից» Ալեքսիս Սանչեսի հետ փոխանակման շրջանակում։ Տեղափոխվելուց հետո Մխիթարյանի աշխատավարձը կազմում է շաբաթական 200 հազար ֆունտ ստեռլինգ։-0-