Հայաստանի ֆուտբոլի հավաքականը մարզվել է Մլադա Բոլեսլավում

ԵՐԵՎԱՆ, 1 սեպտեմբերի. /Նովոստի–Արմենիա/. Այսօր «Մլադա Բոլեսլավ» ակումբի մարզումային դաշտում տեղի է ունեցել Հայաստանի ազգային հավաքականի մարզումը, որը հիմնականում կրում էր վերականգնողական բնույթ, հաղորդում է Հայաստանի ֆուտբոլի ֆեդերացիայի մամուլի ծառայությունը։

Մարզմանը մասնակցում էին 20 ֆուտբոլիստներ։

«Հենրիխ Մխիթարյանը դեռ բժշկական հետազոտությունների փուլում է, և առայժմ հայտնի չէ, թե որքանով է լուրջ Մխիթարյանի վնասվածքը, իսկ Կառլեն Մկրտչյանին և Հովհաննես Համբարձումյանին մարզիչները հանգստի հնարավոություն էին տվել երեկվա խաղից հետո», – նշվում է հաղորդագրության մեջ։

Հենրիխ Մխիթարյանը հույս ունի դաշտ դուրս գալ դանիացիների հետ խաղում>>

Վաղը Հայաստանի ազգային հավաքականը կանցկացնի ևս մեկ մարզում, իսկ կեսօրից հետո կմեկնի Դանիա, որտեղ սեպտեմբեևի 4-ին տեղի կունենա Աշխարհի 2018 թ․ առաջնության ընտրական փուլի Դանիա-Հայաստան հանդիպումը։

Նախօրեին Հայաստանի ֆուտբոլի հավաքականն արտագնա խաղում պարտվեց չեխերին ընկերական խաղում (3։0): Հանդիպման 38-րդ րոպեին վնասվածք ստացավ «Մանչեսթեր Յունայթեդի» կիսապաշտպան Հենրիխ Մխիթարյանը:–0–