Հայաստանի ֆուտբոլի հավաքականը խայտառակ պարտություն կրեց ռումինացիներից

ԵՐԵՎԱՆ, 8 հոկտեմբերի. /Նովոստի–Արմենիա/. Հայաստանի ֆուտբոլի հավաքականը շաբաթ օրը ջախջախիչ պարտություն կրեց ռումինացիներից Աշխարհի 2018 թ.–ի առաջնության ընտրական փուլի երկրորդ հանդիպման ժամանակ։

Երևանում կայացած հանդիպումն ավարտվեց 0։5 հաշվով` հօգուտ ռումինացիների։

Հանդիպման հաշիվը բացեց Ռումինիայի հավաքականի հարձակվող Բոգդան Ստանկուն` 4–րդ րոպեին իրացնելով տուգանային հարվածը, իսկ ութ րոպե անց ռումինացիներն արդեն հաղթում էին 0։3 հաշվով։ Գոլի հեղինակներն են կիսապաշտպաններ Ադրիան Պոպան (10) և Ռեզվան Մարին (12)։ Հանդիպման 29–րդ րոպեին Նիկոլաե Ստանչուն և 60–րդ րոպեին Ալեքսանդրու Կիպչուն հաշիվը դարձրեցին 0։5։

Հայաստանի հավաքականն առաջին հանդիպումը ևս պարտվել է դանիացիներին` արտագնա խաղում պարտվելով 0։1 հաշվով։

Հայաստանի հավաքականը ընտրական Е խմբում պայքարում է Դանիայի, Լեհաստանի, Ռումինիայի, Ղազախստանի և Չեռնոգորիայի հավաքականների հետ։–0–