Հայ դպրոցականները Թուրքիայի Գիմնազիադային նվաճել են 15 մեդալ
22.07.2016,
14:35
Հայ դպրոցականները Թուրքիայի Տրապիզոն քաղաքում կայացած 16-րդ համաշխարհային Գիմնազիադային նվաճել են 15 մեդալ:

ԵՐԵՎԱՆ, 22 հուլիսի. /Նովոստի-Արմենիա/. Հայ դպրոցականները Թուրքիայի Տրապիզոն քաղաքում կայացած 16-րդ համաշխարհային Գիմնազիադային նվաճել են 15 մեդալ, հաղորդում է ՀՀ կրթության և գիտության նախարարության մամուլի ծառայությունը:
Հայաստանը ներկայացնող մարզիկ դպրոցականները Գիմնազիադայում արժանացել են 5 ոսկե, 2 արծաթե և 8 բրոնզե մեդալների` թիմային հաշվարկով զբաղեցնելով 10–րդ հորիզոնականը:
Հարապետության պատվիրակությունը, որը կազմված էր 38 մասնակցից, հանդես է եկել 9-ը մարզաձևերում` ատլետիկա, մարմնամարզություն, լող, հունահռոմեական և ազատ ոճի ըմբշամարտ, ձյուդո, նետաձգություն, շախմատ և սուսերամարտ:
Հայաստանը ներկայացնող մարզիկ դպրոցականների թիմը ձևավորվել էր ՀՀ կրթության և գիտության նախարարության աջակցությամբ` դպրոցականների հանրապետական մարզական ֆեդերացիայի կողմից 2015 թ.-ին անցկացված հանրապետական առաջնություններում լավագույն արդյունք ցուցաբերած մարզիկներից, որոնց համար կազմակերպվել էին լրացուցիչ ուսումնամարզական հավաքներ և մարզումներ` համաշախարհային ստուգատեսին նախապատրաստվելու նպատակով:
16-րդ համաշխարհային Գիմնազիադային, որն անցկացվել է հուլիսի 11-18-ը և հանդիսանում է դպրոցականների համաշխարհային սպորտի ամենաբարձր վարկանիշ ունեցող ստուգատեսը, մասնակցել է 30 երկրի 2500 դպրոցական: -0-
Հայաստանը ներկայացնող մարզիկ դպրոցականները Գիմնազիադայում արժանացել են 5 ոսկե, 2 արծաթե և 8 բրոնզե մեդալների` թիմային հաշվարկով զբաղեցնելով 10–րդ հորիզոնականը:
Հարապետության պատվիրակությունը, որը կազմված էր 38 մասնակցից, հանդես է եկել 9-ը մարզաձևերում` ատլետիկա, մարմնամարզություն, լող, հունահռոմեական և ազատ ոճի ըմբշամարտ, ձյուդո, նետաձգություն, շախմատ և սուսերամարտ:
Հայաստանը ներկայացնող մարզիկ դպրոցականների թիմը ձևավորվել էր ՀՀ կրթության և գիտության նախարարության աջակցությամբ` դպրոցականների հանրապետական մարզական ֆեդերացիայի կողմից 2015 թ.-ին անցկացված հանրապետական առաջնություններում լավագույն արդյունք ցուցաբերած մարզիկներից, որոնց համար կազմակերպվել էին լրացուցիչ ուսումնամարզական հավաքներ և մարզումներ` համաշախարհային ստուգատեսին նախապատրաստվելու նպատակով:
16-րդ համաշխարհային Գիմնազիադային, որն անցկացվել է հուլիսի 11-18-ը և հանդիսանում է դպրոցականների համաշխարհային սպորտի ամենաբարձր վարկանիշ ունեցող ստուգատեսը, մասնակցել է 30 երկրի 2500 դպրոցական: -0-