ԵՐԵՎԱՆ, 15 դեկտեմբերի. /Նովոստի Արմենիա/. Հայաստանի ֆուտբոլի ֆեդերացիայի նախագահ Ռուբեն Հայրապետյանը կարծում է, որ հավաքականի և ՄՅՈւ-ի կիսապաշտպան Հենրիխ Մխիթարյանի խնդիրները շուտով կլուծվեն:
Ինչպես հայտնում է armtimes.com-ը, այս մասին նա նշել է այսօր՝ դեկտեմբերի 15-ին, լրագրողների հետ զրույցում «Բանանց» ֆուտբոլային ակումբի արհեստական խոտածածկով խաղադաշտերի բացումից հետո: Հայրապետյանն ասել է, որ թեմայի շուրջ շուտով ինքն էլ հայտարարություն կանի:
Այս սեզոնին Մխիթարյանը անցկացրել է «Մանչեսթեր Յունայթեդի» կազմում 17 խաղ` դառնալով երկու գոլի և 5 փոխանցման հեղինակ։
Հայրապետյանը ասել է, որ շուտով հայտարարությամբ հանդես կգա այս հարցի շուրջ:
Загружается новость ... "Лево"
«Հենրիխ Մխիթարյանը մեծ պրոֆեսիոնալ է, աշխատասեր, նվիրված ֆուտբոլին: Հենրիխ Մխիթարյանն այն ֆուտբոլիստն է, որ այս իրավիճակը չի կարող երկար շարունակվել: Եվ բոլորիդ էլ հայտնի է՝ պատճառն ինչ է, ոչ թե Հենրիխի մարզավիճակը... հրապարակված է բազմաթիվ տեղերում: Մոտ ժամանակներս ինքս էլ կուսումնասիրեմ ու հայտարարություն կանեմ այդ ուղղությամբ: Հենրիխն անպայման կխաղա և կուրախացնի բոլորիս»,- ասել է նա:
Մամուլում ավելի վաղ տեղեկություն էր տարածվել, որ հայ կիսապաշտպանը, հնարավոր է, վերադառնա Դորտմունդի «Բորուսիա»։ 101 Great Goals–ի տվյալներով, Հենրիխ Մխիթարյանը դժգոհ է ակումբում ստեղծված իրավիճակից։ Նոյեմբերի վերջին Մոուրինյուն հայտարարել է, որ սկսել է ավելի հազվադեպ խաղադաշտ հանել կիսապաշտպանին այն պատճառով, որ Հենրիխը սկսել է իրեն վատ դրսևորել խաղերում։
Загружается новость ...
"Право"
Corriere dello Sport իտալական հրատարակությունն իր հերթին տեղեկացրել է, որ Մխիթարյանը, հնարավոր է, անցնի Միլանի «Ինտեր» վարձակալական հիմունքներով։
Անգլիական Mirror պարբերականը հայտնել է, որ Հենրիխ Մխիթարյանի հեռացումը «Մանչեսթեր Յունայթեդից» կարող է տեղ ազատել գերմանաբնակ թուրք կիսապաշտպան Մեսութ Օզիլի համար։–0–
