ԵՐԵՎԱՆ, 17 հոկտեմբերի. /Նովոստի–Արմենիա/. Հայաստանի ֆուտբոլի ֆեդերացիան հաղորդում է, որ Հայաստանի ֆուտբոլի հավաքականի առաջատարներից մեկի `Մարկոս Պիզելլիի վնասվածքը լուրջ չէ։
«Նախնական ախտորոշմամբ Մարկոս Պիզելլիի վնասվածքը լուրջ չէ: Պատռվածք կամ կոտրվածք չկա: Մեր կիսապաշտպանը հարված է ստացել ծնկին: Վնասվածքի լրջությունը կպարզվի ավելի ուշ», – նշվում է ՀՖՖ հաղորդագրության մեջ։
Загружается новость ... "Лево"
Հայաստանի հավաքականը 4։0 հաշվով ջախջախեց մակեդոնացիներին ՈւԵՖԱ–ի ազգերի լիգայի ընտրական փուլում։ Հոկտեմբերի 16–ին Հանրապետական մարզադաշտում կայացած հանդիպման 12–րդ րոպեին Պիզելլին բացեց հաշիվը, սակայն մի քանի րոպե անց վնասվածք ստացավ և նրան պատգարակով հեռացրեցին մարզադաշտից։
Հայաստանի հավաքականը ՈւԵՖԱ–ի Ազգերի լիգայում հանդես է գալիս D խմբում Մակեդոնիայի, Լիխտենշտեյնի և Ջիբրալթարի հավաքականների հետ։ Չորս հանդիպումից հետո Հայաստանը վաստակել է 6 միավոր։ Առաջատարը մակեդոնացիներն են, ովքեր չորս հանդիպման արդյունքում վաստակել են 9 միավոր։–0–
