ԵՐԵՎԱՆ, 27 օգոստոսի. /Նովոստի-Արմենիա/. Գյումրիի «Շիրակ» ակումբը պատրաստ է դիմավորել Օլիմպիական խաղերի չեմպիոն, ըմբիշ Արթուր Ալեքսանյանին և արծաթե մեդալակիր, ծանրորդ Գոռ Մինասյանին:
Օգոստոսի 26-ի լույս 27-ի գիշերը ժամը 00:45-ին Երևան է ժամանում Հայաստանի օլիմպիական պատվիրակությանը, այդ թվում` մեդալակիրներ Արթուր Ալեքսանյանը, Միհրան Հարությունյանը, Սիմոն Մարտիրոսյանը և Գոռ Մինասյանը:
««Շիրակը» պատրաստ է դիմավորել չեմպիոններին՝ հունահռոմեական ոճի ըմբիշ, Ռիոյի Օլիմպիական խաղերի ոսկե մեդալակիր Արթուր Ալեքսանյանին և ծանրորդ, Ռիոյի Օլիմպիական խաղերի արծաթե մեդալակիր Գոռ Մինասյանին», – նշվում է ակումբի Facebook-յան էջում։ -0-