«Գանձասար–Կապան» ՖԱ–ն կպաշտպանի Վանեցյանի թեկնածությունը ՀՖՖ նախագահի պաշտոնում

ԵՐԵՎԱՆ, 22 հուլիսի./Նովոստի–Արմենիա/. «Գանձասար–Կապան» ֆուտբոլային ակումբը ուրախությամբ է ընդունել այն լուրը, որ Հայաստանի Ազգային Անվտանգության ծառայության տնօրեն Արթուր Վանեցյանը պատրաստակամություն է հայտնել մասնակցելու Հայաստանի ֆուտբոլի ֆեդերացիայի նախագահի ընտրություններին, նշվում է ակումբի տարածած հայտարարության մեջ։

Հայտարարության մեջ ասվում է, որ  ակումբը պաշտպանում է Արթուր Վանեցյանի թեկնածությունը ՀՖՖ նախագահի պաշտոնում։ 

«Վստահ ենք, որ նրա ընտրվելը միայն ու միայն կնպաստի հայկական ֆուտբոլի զարգացմանն ու առաջընթացին», – ասված է հայտարարության մեջ։ 

ՀՖՖ նախագահ Ռուբեն Հայրապետյանն ավել վաղ հայտարարել է, որ Վանեցյանը լավագույն թեկնածուն է այդ պաշտոնում։

Վանեցյանն իր հերթին նշել է, որ ցանկանում է գլխավոր ֆեդերացիան, սակայն վերջնական որոշում դեռ չի ընդունել։ Նրա խոսքով, եթե ֆուտբոլային հանրությունն, ի դեմս Հայաստանի բարձրագույն լիգայի ակումբների, միաձայն պաշտպանի նրա թեկնածությունը, ապա նա կհամաձայնի։–0–