«Ճանապարհ դեպի Ռիո». ծանրորդ Առաքել Միրզոյան

ԵՐԵՎԱՆ, 28 հուլիսի. /Նովոստի–Արմենիա/. Ռիո դե Ժանեյրոյի 31-րդ ամառային Օլիմպիական խաղերից առաջ Հայաստանի ազգային օլիմպիական կոմիտեն շարունակում է «Ճանապարհ դեպի Ռիո» նախագիծը, որի շրջանակում ներկայացնում է օլիմպիական խաղերում Հայաստանը ներկայացնող մարզիկներին և նրանց օլիմպիականների լուսանկարները։

Մեր նախագծի հաջորդ հերոսը ծանրորդ Առաքել Միրզոյանն է: Նա ծնվել է 1989 թվականին Էջմիածնում: Նա սովորել է Ֆիզիկական կուլտուրայի հայկական պետական ինստիտուտում:



Ծանրամարտով զբաղվում է 5 տարեկանից: Առաքելը 2009 թվականի Եվրոպայի առաջնության չեմպիոն է: Առաքելը շարունակում է հոր՝ Օլիմպիական խաղերի չեմպիոն Օգսեն Միրզոյանի գործը:



-Խաղերին ի՞նչ թալիսման ես հետդ տանելու:

-Այո, ունեմ: Այն նվեր է նշանածիս կողմից՝ Տիրամոր պատկերով արծաթյա վզնոց է:

Միշտ ինձ հետ է, թե ճանապարհին, թե մրցումների ժամանակ, թե առօրյայում:



-Ու՞մ կուզեիր կողքիդ կամ հանդիսատեսի շարքում տեսնել:

-Առաջին հերթին ընտանիքիս անդամներին՝ հայրիկիս, մայրիկիս, քրոջս և նշանածիս:



-Նկարագրիր Օլիմպիական խաղերը երեք բառով:

-Խաղաղություն, համերաշխություն և փառք ու պատիվ:



-Ո՞ւմ հետ ես առաջինը կիսելու հաջողությունդ:

-Ամբողջ ազգի:

-Ինչպե՞ս կուզես, որ հիշվեն այս Օլիմպիական խաղերը:

-Որպես ուրախ և հիշարժան խաղեր: -0-