Արթուր Աբրահամ. «Սա կլինի իմ կարիերայի մեծագույն հաղթանակը»

ԵՐԵՎԱՆ, 11 փետրվարի. /Նովոստի–Արմենիա/. Գերմանիայի դրոշի ներքո հանդես եկող հայ բռնցքամարտիկ Արթուր Աբրահամը մեկնաբանել է մեքսիկացի Խիլբերտո Ռամիրեսի դեմ կայանալիք մենամարտը, գրում է fighthype.com կայքը։ 

Հայտնի է Արթուր Աբրահամի հաջորդ մրցակցի անունը>>

«Սա երազանքի իրականացում է: Ես Հոլիվուդում մենամարտել եմ Էդիսոն Միրանադայի հետ, Դետրոյթում` Անդրե Դիրելի, Կարսոնում` Անդրե Ուորդի դեմ: Բայց այն ժամանակ մեծ իրադարձության զգացողություն չունեի: 2011 թ.–ին Լաս Վեգասի MGM Grand–ում ես ներկա եմ եղել Շեյն Մոզլիի մենամարտին, և մթնոլորտն ինձ պարզապես ցնցել է։ Դրանց հետո երազում էի այստեղ մենամարտելու մասին, և ահա ապրիլի 9-ին, վերջապես, հնարավորություն ստացա ռինգը կիսել Մենի Պակյաոյի հետ», – նշել է Աբրահամը։

Արթուր Աբրահամը` Գերմանիայի տարվա լավագույն բռնցքամարտիկ>>

Արթուրի խոսքով` նա չի կարծում, թե իր համար հեշտ կլինի, քանի որ Խիլբերտո Ռամիրեսը Մեքսիկայի երիտասարդ ու խոստումնալից բռնցքամարտիկներից մեկն է, մի երկրի, որն այս մարզաձևում լավ ավանդույթներ ունի:

«Նա ցանկանում է պատմության մեջ մտնել, որպես առաջին մեքսիկացին, ով միջին քաշային կարգում աշխարհի չեմպիոն է դարձել», – նշել է Աբրահամը։

«Բայց ես, լինելով հայ, ով բնակվում և մենամարտում է Գերմանիայում, երկու պատճառ ունեմ հաղթելու` հպարտություն և պատիվ: Այդ մենամարտին կմոտենամ հետևյալ մտքերով. «Ավելի լավ է մեռնել ոտքի վրա, քան ապրել ծնկի եկած»: Դա կլինի իմ կարիերայի մեծագույն հաղթանակը», – նշել է Արթուր Աբրահամը։  

Արթուր Աբրահամը (Ավետիք Աբրահամյանը) ծագումով Հայաստանից է, հանդես է գալիս Գերմանիայի դրոշի ներքո։ Դարձել է WBO վարկածով երկրորդ միջին քաշային կարգում աշխարհի չեմպիոն` 2012 թվականի օգոստոսին չեմպիոնական գոտին «խլելով» Ռոբերտ Շտիգլիցից։ 2013 թվականի մարտի 23–ին «Արթուր արքան» չկարողացավ պաշտպանել իր տիտղոսը նույն Շտիգլիցի հետ մենամարտում։ Երկրորդ ռաունդում նա վնասվածք ստացավ` ձախ աչքի մոտ հեմատոմա առաջացավ, իսկ երրորդ ռաունդից հետո աչքն ամբողջովին փակվեց։ Բժշկի զննումից հետո դատավորները որոշեցին դադարեցնել մարտը` տեխնիկական նոքաութով հաղթանակը շնորհելով ծագումով ռուս գերմանացի մարզիկին։ 

Սակայն 2014 թվականի մարտին Աբրահամը վերադարձրեց չեմպիոնի գոտին` հաղթելով Շտիգլիցին ռևանշ–մենամարտում, իսկ այնուհետև պաշտպանեց այն չեռնոգորցի Նիկոլա Սիեկլոչայի և Փոլ Սմիթի հետ մենամարտերում։ 

Աբրահամն IBF վարկածով միջին քաշային կարգում աշխարհի չեմպիոնի տիտղոսին է արժանացել 2005-2009 թվականներին։ Բազմաթիվ անգամ ճանաչվել է Գերմանիայի լավագույն բռնցքամարտիկ։ -0-