Արմավիրի «Տորպեդո» ակումբը չորրորդ հավաքը կանցկացնի Հայաստանում

ԵՐԵՎԱՆ, 22 փետրվարի. /Նովոստի–Արմենիա/. Կրասնոդարի երկրամասի Արմավիրի «Տորպեդո» ակումբը չորրորդ հավաքը կանցկացնի Հայաստանում, հաղորդում է «Կուբան 24» կայքը` հղում անելով ակումբի մամուլի ծառայությանը։ 

Ֆուտբոլիստները մարզումներ կանցկացնեն Երևանում։ Նախատեսվում է, որ «Տորպեդո»–«Բանանց» հանդիպումը տեղի կունենա փետրվարի 27–ին։

Հավաքը կտևի մինչև մարտի 1–ը, հաղորդում է «Տորպեդոյի» մամուլի ծառայությունը։

2015/16 նոր սեզոնի մեկնարկից առաջ «Տորպեդոյի» գլխավոր ներդրողը ծնունդով արմավիրցի, հայազգի միլիարդատեր Օլեգ Մկրտչյանն է։

Սեզոնի մեկնարկից առաջ` 2015 թ.–ի հուլիսի 11–ին, «Տորպեդոն» ձեռք է բերել «Ուլիս» հայկական ակումբի մի խումբ ֆուտբոլիստների։

«Տորպեդոյի» նախագահ է նշանակվել Վալերի Հովհաննիսյանը, ով միաժամանակ «Ուլիսի» սեփականատերն ու գլխավոր բաժնետերն է, իսկ Սուրեն Մկրտչյանը, ով 2008–2013 թթ.–ին աշխատել է «Կուբանի» գլխավոր տնօրենի պաշտոնում, զբաղեցրել է «Տորպեդոյի» գլխավոր տնօրենի պաշտոնը։ –0–