Շախմատի հավակնորդների մրցաշարի 7–րդ տուր. Կարյակին–Արոնյան (ՈւՂԻՂ)

ԵՐԵՎԱՆ, 19 մարտի. /Նովոստի–Արմենիա/. Հայ գրոսմայստեր Լևոն Արոնյանը շաբաթ օրն ուժերը չափում է ռուս Սերգեյ Կարյակինի հետ Մոսկվայում անցկացվող Շախմատի հավակնորդների մրցաշարի 7–րդ տուրի շրջանակում։ 

Արոնյանը խաղում է սև խաղաքարերով։ 

7–րդ տուրի մնացած հանդիպումներն են Պետեր Սվիդլեր (Ռուսաստան) – Ֆաբիանո Կարուանա (ԱՄՆ), Խիկարու Նակամուրա (ԱՄՆ) – Վեսելին Տոպալով (Բուլղարիա), Անիշ Գիրի (Հոլանդիա) – Վիշվանաթան Անանդ (Հնդկաստան)։ 

Վեց տուրերից հետո Արոնյանը 4 միավորով կիսում է առաջին տեղը Կարյակինի հետ։ Կես միավոր պակաս է վաստակել հնդիկ Վիշվանաթան Անանդը։ Ամերիկացի Ֆաբիանո Կարուանան և հոլանդացի Անիշ Գիրին վաստակել են երեքական միավոր։ Ռուս Պետեր Սվիդլերը 2,5 միավորով 6–րդ հորիզոնականում է։ Մրցաշարային աղյուսակը եզրափակում են երկուական միավոր վաստակած Խիկարու Նակամուրան և Վեսելին Տոպալովը։ 

Հավակնորդների մրցաշարը բաղկացած է 14 տուրից, կունենա 4 հանգստյան օր և կեզրափակվի մարտի 30-ին: Մրցաշարի հաղթողը իրավունք կստանա պայքարելու աշխարհի չեմպիոնի Մագնուս Կարլսենի հետ նոյեմբերին Նյու Յորքում կայանալիք աշխարհի չեմպիոնի տիտղոսի համար մրցախաղին:

Հավակնորդների մրցաշարի մասնակիցների վիճակահանության արդյունքները հրապարակված են ՖԻԴԵ–ի կայքում։ Մրցաշարի հաղթողն իրավունք կստանա շախմատային թագի համար մրցել աշխարհի չեմպիոն, նորվեգացի Մագնուս Կարլսենի հետ։ Արոնյանը չորրորդ անգամ է մասնակցում Հավակնորդների մրցաշարին։ –0–