Լևոն Արոնյանը կիսել է 5-7 տեղերը GRENKE Chess Classic սուպերմրցաշարի արդյունքներով

ԵՐԵՎԱՆ, 30 մայիսի. /Նովոստի–Արմենիա/. Հայ գրոսմայստեր Լևոն Արոնյանը զբաղեցրել է 7-րդ հորիզոնականը Բադեն-Բադենում անկացված GRENKE Chess Classic սուպերմրցաշարում, հայտնում է armsport.am–ը:

Նա իր ակտիվում գրանցել է 4.5 միավոր։ Արոնյանը վերջին տուրում ոչ-ոքի է խաղացել Ֆաբիանո Կարուանայի հետ:

Մրցաշարի արդյունքներով հաղթող է ճանաչվել նորվեգացի Մագնուս Կարլսենը՝ 7,5 միավորով:

Հայաստանը ներկայացնող շախմատիստը 9 պարտիաներից 7-ն ավարտել է ոչ-ոքիով: Արոնյանը կարողացել է հաղթել միայն Պյոտր Սվիդլերին, պարտվել է՝ Մագնուս Կարլսենին: -0-