ԵՐԵՎԱՆ, 24 հունիսի. /Նովոստի–Արմենիա/. Պետդումայի օրենսդրության կոմիտեն հավանություն է տվել ընտանեկան հայհոյությունների համար պատասխանատվությունը խստացնող օրինագծին, հայտնում է
Ведомостиթերթը։
Այսօրվա դրությամբ օրենքով ամրագրված է միայն հանրային վայրերում հնչող պղծախոսությունների համար պատասխանատվությունը։
Համապատասխան փոփոխություններ են կատարվել «Մանր խուլիգանություն» օրենքում։
Օրենքով, հայհոյանքի համար տուգանքը կազմում է մինչև 2000 ռուբլի (կրկնակի հայհոյանքի համար` 5000 руб.), մինչև 15 օրվա վարչական կալանք։ Որպես այլընտրանք պատգամավորներն առաջարկել են ավելացնել մինչև 40 ժամվա պարտադիր աշխատանքներ, երկրորդ անգամ նույն արարքի համար` 80 ժամ։
Շատ հաճախ «Մանր խուլիգանություն» հոդվածը կիրառվում է հասարակական կարգը խախտելու համար, որն ուղեկցվում է զազրախոսությամբ կամ ծանր հարբածության վիճակով, բայց դրա համար կարելի է պատասխանատվության ենթարկել միայն հասարակական վայրում, բացատրում է լրացումների հեղինակներից մեկը` Դմիտրի Վյատկինը։
Загружается новость ... "Лево"
Բնակելի տարածքները չեն ներառվում հասարակական վայրերի կատեգորիայում, և շատ հաճախ հայհոյողները խուսափում են պատասխանատվությունից` մարդը կարող էր իրեն ոչ պատշաճ պահել, բայց չկատարել այնպիսի մի արարք, որը կարող էր ընկնել վարչական իրավախախտումների օրենսգրքի հոդվածների տակ։ Դրանք կարող են լինել ոչ ծեծը և ոչ լռության խախտումը, բայց ոչ պատշաճ վարքագիծը տների մուտքերում կամ հարևաններին անհանգստացնելը, բացատրում է Վյատկինը։
«Հասկանալի է, որ հարաբերությունների ամեն պարզաբանումը չէ, որ խուլիգանություն է որակվելու։ Գոյություն ունեն որոշակի հատկանիշներ, մենք պարզապես առաջարկում ենք հանել «հասարակական վայրերում» մասը և ընդլայնել օրենքի ազդեցությունը նաև բազմաբնակարան տներիր վրա։ Դա չի նշանակում, որ բոլոր հայհոյողներին են տանելու և ոչ ոք չի հետևելու նրան, որ տանը չհայհոյեն»,– ասում է պատգամավորը։ «Շատերին տուգանքով չես վախեցնի, բայց պարտադիր աշխատանքները ճիշտ են, դրանք էլ առաջարկում ենք որպես այլընտրանք»,– ավելացնում է նա։ -0-
