Ընդդիմությունը քաղաքացիներին կոչ է արել դադարեցնել բողոքի ակցիաները․ նրանք հանդես կգան հայտարարությամբ

ԵՐԵՎԱՆ, 8 դեկտեմբերի․ /Նովոստի-Արմենիա/․ ՀՅԴ ԳՄ ներկայացուցիչ Իշխան Սաղաթելյանը հայրենակիցներին կոչ է արել դադարեցնել անհնազանդության ցույցերը։

«Դուք այսօր ևս մեկ անգամ ապացուցեցիք, որ Նիկոլ Փաշինյանին չի հաջողվել գողանալ մեր արժանապատվությունը, մեր պատիվը։ Չի հաջողվել վերջնականապես սպանել հայ ժողովրդին։ Կոչ եմ անում բոլոր հայրենակիցներին 17:00 ից դադարեցնել բողոքի գործողությունները։ Երեկոյան «Հայրենիքի փրկության շարժման» անունից հանդես կգանք հայտարարությամբ և կներկայացնենք մեր հետագա անելիքները»,- գրել է նա Facebook-յան իր էջում։-0-