Երևանի մանկական երկաթուղին կարող է դառնալ գերժամանակակից թեմատիկ մանկական այգի (ՎԻԴԵՈ)

ԵՐԵՎԱՆ, 24 Օգոստոսի․ /Նովոստի-Արմենիա/․ Ներկայացվել է Երևանի մանկական երկաթուղու զարգացման նախագիծ, որը կարող է դառնալ Երևանի խորհրդանիշը։ Այս մասին հայտնում է «Ռուցոգ ինվեստ» հոլդինգի հայկական գրասենյակը։

Մանկական երկաթուղին կառուցվել է 1937 թվականին և իսկապես եզակի էր ամբողջ Խորհրդային Միությունում: Բայց ժամանակի ընթացքում այն ​​հնացել է, և Երևանի կենտրոնին միացնող թունելները խաթարվել են: Նախատեսվում էր վերականգնել այգին 1980-ականներին, բայց ԽՍՀՄ փլուզման պատճառով դա տեղի չունեցավ: Այսօր մանկական երկաթուղին վթարային վիճակում է:

Երևանի մանկական երկաթուղու զարգացման նախագիծը ներկայացրել է Ռուսաստանյան «Ռուցոգ ինվեստ» հոլդինգը։ Նախագիծն իրականացնելու է իտալական նախագծային բյուրոյի հետ, որն ունի Նյու Յորքում և ԱՄԷ-ում նմանատիպ նախագծերի իրականացման մեծ փորձ։ 

Նոր նախագիծն իրականացվելու դեպքում կթարմացնի նախորդ սերունդների հիշողությունները և կնվիրի երեխաներին մի հրաշալի հնարավորություն՝ ապրելու նույն պահերը, որոնք ժամանակին ունեցել են իրենց ծնողներն ու պապերը։ Մանկական երկաթուղին կաշխատի և՛ ամռանը և ձմռանը՝ հնարավորություն ընձեռելով ըմբոշխնել աշխարհի լավագույն ատրակցիոններից ստացած տպավորությունները։

Ինչպես խոստանում են կազմակերպիչները, կստեղծվի հեքիաթների թեմատիկ նոր այգի, որը մեծ դեր կխաղա մանուկների ուսուցման և սպորտային զարգացման մեջ։ Մանկական երկաթուղին տարածաշրջանում միակն է լինելու իր տիպով և տուրիստական մեծ խմբեր է ձգելու դեպի իրեն՝ դառնալով Երևանի նշանակալից խորհրդանիշներից մեկը։ -0-