Չափազանց վտանգավոր հնարք. Volvo–ն 4 բեռնատարից բաղկացած շարժվող աշտարակ է նկարահանել (ՎԻԴԵՈ)

ԵՐԵՎԱՆ, 27 փետրվարի. /Նովոստի-Արմենիա/. Volvo ընկերությունը հոլովակ է նկարահանել իր նոր բեռնատար մեքենաների թողարկումից առաջ: Տեսահոլովակում նրանք 4 նոր բեռնատարները դրել են իրար վրա, որպեսզի ցույց տան դրանց հզորությունը: Այդ բեռնատարների վրա մի տղամարդ է կանգնած:

Ինչպես նշվում է ընկերության պաշտոնական կայքում, այդ տղամարդը ընկերության նախագահն է՝ Ռոգեր Ալմը:

Տեսահոլովակում սկզբում մթության մեջ երևում են մեքենաների լույսերը, հետո հայտնվում է բեռնատար մեքենաներից կազմված աշտարակը, որի վարորդը կին է:

Ըստ կայքի տվյալների նկարահանումն իրականացվել է ընկերության փորձադաշտում, և հատուկ էֆեկտների մեծ մասն իրական են:

«Մեր բեռնատարները կարող են դիմակայել մեկը մյուսի և նույնիսկ մեր նախագահի ծանրությանը»,- ասվում է հոլովակի մեկնաբանություններում:-0-