Ուտել վեցից հետո և նիհարե՞լ` այո, հնարավոր է

ԵՐԵՎԱՆ, 14 ապրիլի. /Նովոստի–Արմենիա/. Շատ դիետոլոգներ պնդում են, որ նիհարել ցանկացողներն ընդհանրապես չպետք է ուտեն վեցից հետո, սակայն կան մթերքներ, որոնք ոչ միայն հակացուցված չեն, այլ նաև կարող են նպաստել նիհարելու գործընթացին, գրում է fithacker.ru–ն։

Եվ այսպես ինչ կարելի է ուտել ժամը վեցից հետո նիհարելու համար...

1. Դյուրամարս մթերքներ` բանջարեղեն, խաշած կարտոֆիլ, ձկնամթերք , քաղցր միրգ։ Հրաժարվեք յոգուրտներից, արգանակներից, որոնք արագորեն դուրս են գալիս օրգանիզմից։

2. Ցածր կալորիականություն ունեցող սնունդ։ Երեկոյի համար կարելի է թողնել սովորական օրական սննդակարգի մեկ քառորդը, իսկ կալորիական ճաշատեսակները կարելի է օգտագործել մինչև ժամը 15։00–ն։

3. Անյուղ սննդամթերք։ Յուղոտ սնունդը ստամոքսում ծանրության զգացում է առաջացնում և կարող է դառնալ վատ քնի պատճառ։

4. Մագնիում և կալիում պարունակող սնունդ` տապակած ձուկ, կանաչեղեն, կաղամբ, կանաչ ոլոռ, հացազգիներ։ Քնից երկու ժամ առաջ այս մթերքների օգտագործումը նպաստում է մկանների թուլացմանն ու գլխուղեղի աշխատանքի կայունացմանը։

Կաղամբը, սեխը, գազարը, նեխուրը, ձողաձուկը, ծովախեցգետինը, ծիրանը, խնձորը, հապալասը, բրոկոլին, բազուկը, բալը, վարունգն օգնում են մեծ թվով կալորիաների այրմանն ու նիհարեցնում են։ Եթե դրանք օգտագործեք երեկոյան մարզվելուց հետո, ապա կարելի է հասնել լավ արդյունքների։–0–