ԵՐԵՎԱՆ, 10 սեպտեմբերի. /Նովոստի–Արմենիա/. «Московский комсомолец»–ը հրապարակել է Միխայիլ Խաչատուրյանի հեռախոսային նամակագրությունն իրեն սպանած դուստրերի հետ և վերծանել է հեռախոսի աուդիոֆայլերը:
Նամակագրությունը ոչ նորմատիվ բառապաշար և աղջիկների հասցեին հոր կողմից հնչեցրած սպառնալիքներ է պարունակում:
ՌԴ Քննչական կոմիտեի քննիչները Խաչատուրյան քույրերի փաստաբաններին են հանձնել պաշտոնական որոշումն առ այն, որ դուստրերին անարգելու և սեռական ոտնձգությունների մեղադրանքով նրանց հոր՝ Միխայիլ Խաչատուրյանի դեմ քրգործ չի հարուցվի վերջինիս մահվան կապակցությամբ: Քննությունը հաստատել է անարգանքի փաստերը:
Загружается новость ...
"Право"
Ինչպես նշում է պարբերականը, «Սև «Սամսունգը» հայտնաբերվել է սպանության վայրում 2018-ի հուլիսի 27-ին: Միխայիլ Խաչատուրյանի բառապաշարը հիմնականում բաղկացած է անվայել խոսքերից ու սպառնալիքներից, ինչը հասկանալի է դարձնում, թե ինչ հարաբերություններ են տիրել ընտանիքում։
Օրինակ, 2018-ի ապրիլի 14-ին, դիմելով դստերը՝ Անգելինային, Միխայիլ Խաչատուրյանն ասել է (ձայնային հաղորդագրություն)` «Ծեծելու եմ ամեն ինչի համար, սպանելու եմ»։
Մեկ այլ տեղ նա դիմում է Անգելինային` ասելով. «Աստծո անունը չտաս, պոռնիկ, Աստծո անունը չտաս, այ տականք, այ փչացած»։
Քննիչները Խաչատուրյան քույրերին մեղադրանք են առաջադրել 57–ամյա հոր սպանության համար, ում մարմինը պարանոցի ու կրծքավանդակի շրջանում ստացած բազմաթիվ կտրած–ծակած վնասվածքներով հայտնաբերվել է հուլիսի 27–ին Մոսկվայի տներից մեկում։ Հարցաքննության ժամանակ երեք քույրերն ընդունել են մեղքն ու պարզաբանել, որ «նրանց մոտ անբարյացակամ վերաբերմունք է ձևավորվել հոր նկատմամբ վերջինիս կողմից հասցված երկարատև բարոյական տանջանքների պատճառով»։ Մի շարք ԶԼՄ–ների տվյալներով, հայրը շատ խիստ է վերաբերվել դուստրերին, թույլատրել է նրանց դուրս գալ տնից միայն դպրոց ու խանութ գնալու համար, հարևանները վախեցել են Խաչատուրյանից`նշելով, որ նա զենք ունի։
