ԵՐԵՎԱՆ, 9 հոկտեմբերի. /Նովոստի–Արմենիա/. Սուրճի և թեյի առաջին փառատոնը կանցկացվի Կարապի լճի տարածքում, հայտնում է միջոցառման կազմակերպիչ «Պրոմ Էքսպո» ընկերության մամուլի ծառայությունը։
Փառատոնն իսկական տոն կդառնա այս անուշաբույր և թարմացնող ըմպելիքների սիրահարների համար: Միջոցառման հյուրերը կկարողանան վայելել սուրճ և թեյ, համեղ աղանդեր, մասնակցել համտեսին, ինչպես նաև ըմպելիքներ ձեռք բերել մեծածախ գներով։
«Փառատոնը հիանալի հնարավորություն է ուղևորվելու սուրճի ու թեյի կախարդական աշխարհ, մասնակցելու մրցույթների ու լսելու կենդանի երաժշտություն: Փառատոնի գլխավոր միջոցառումը կդառնա սուրճի, թեյի ու համապատասխան պարագաների ցուցահանդես-վաճառքը»,– նշում են կազմակերպիչները։
Загружается новость ... "Лево"
Այստեղ ներկայացված կլինի սուրճի, թեյի ու տեղական դեղաբույսային թեյերի բազամազան տեսականի: Հատուկ տեղադրված տաղավարներում հյուրերին հնարավորություն կտրվի մասնակցելու աշխարհի տարբեր ժողովուրդների թեյախմության արարողություններին (Վիետնամ, Չինաստան, Հնդկաստան, Կորեա) և ծանոթանալու այդ երկրների՝ թեյ պատրաստելու ու ըմպելու ազգային սովորություններին:
Փառատոնի ուշադրության կենտրոնում կլինեն նաև հայկական դեղաբույսային և լեռնային թեյերն ու խոհարարական պարագաները: Փառատոնի շրջանակում կանցկացվեն Թեյախմության արարողության վերապատրաստման դասընթաց պրոֆեսիոնալներից։ -0-