Թեժ աշուն ԱԺ-ում. Ալեն Սիմոնյանն ու Հրաչյա Հակոբյանը լուսանկարվել են ԿԳՄՍ նախարարի հրաժարականը պահանջող պաստառի ֆոնին (ՖՈՏՈ)

ԵՐԵՎԱՆ, 16 սեպտեմբերի./Նովոստի-Արմենիա/. Քիչ առաջ ԱԺ փոխխոսնակ Ալեն Սիմոնյանն իր Facebook-յան էջում ԱԺ-ից լուսանկար է հրապարակել:

Լուսանկարում նա ԱԺ «Իմ քայլը» խմբակցության պատգամավոր Հրաչյա Հակոբյանի հետ է, իսկ լուսանկարվել են նրան «Լուսավոր Հայաստան» խմբակցության պաստառի ֆոնին, որն ուղղված է ԿԳՄՍ նախարարի հրաժարականին: Պաստառի վրա գրված է «Քայլ արա, Դուխով հեռացիր» և փակցված է Արայիկ Հարությունյանի լուսանկարը:

«Թեժ աշունը ԱԺ դահլիճում»,- լուսանկարին կից գրել է Ալեն Սիմոնյանը: 

Նշենք, որ այսօր «Լուսավոր Հայաստանը» մտադիր է բողոքի ակցիա կազմակերպել ԱԺ–ի մոտ, որի ընթացքում պահանջելու է ԿԳՄՍ նախարար Արայիկ Հարությունյանի հրաժարականը։–0–