Սուրբ Սոֆիայի տաճարը կրկին դարձավ մզկիթ
10.07.2020,
18:09
Թուրքիայի Պետխորհուրդը Ստամբուլում Սուրբ Սոֆիայի տաճարին վերադարձրել է մզկիթի կարգավիճակը
ԵՐԵՎԱՆ, 10 հուլիսի․ /Նովոստի-Արմենիա/․ Թուրքիայի Պետական խորհուրդը՝ վարչական գործերով բարձրագույն դատարանը, ուրբաթ օրը չեղարկել է 1934 թվականի կառավարության որոշումը, որը Ստամբուլում Սուրբ Սոֆիայի տաճարին տվել էր թանգարանի կարգավիճակ, հայտնում է Ինտերֆաքսը՝ հղում անելով Sabah-ին:
Այսպիսով, նշում է թերթը, դատարանի այս որոշումը հնարավորություն է տալիս վերափոխել թանգարանային այս հուշարձանը մզկիթի:
Ավելի վաղ Թուրքիայի գերագույն դատարանը հաստատել էր, որ Ստամբուլում Սուրբ Սոֆիայի տաճարի կարգավիճակը կարող է փոխվել նախագահի հրամանագրով։
Загружается новость ...
"Право"
Սուրբ Սոֆիայի տաճարի ապագայի շուրջ քննարկումը սկսվել է հերթական անգամ այն բանից հետո, երբ մայիսի 29-ին՝ Կոնստանդնուպոլսի անկման հերթական տարելիցին, այդ տաճարում կայացել է Ղուրանի ընթերցանություն: Մեկ շաբաթ անց Թուրքիայի նախագահ Ռեջեփ Թայիփ Էրդողանը հանձնարարել է ուսումնասիրել Սոֆիան մզկիթի վերածելու հնարավորությունը: Իսկ ավելի ուշ արդարադատության նախարար Աբդուլհամիթ Գյուլը կողմ է արտահայտվել տաճարը մզկիթի վերածելու գաղափարին, ինչպես նաև դրան կողմ է արտահայտվել Թուրքիայի ԱԳ նախարար Մևվլյութ Չավուշօղլուն:Սոֆիայի տաճարը մզկիթ վերածելուն դեմ են արտահայտվել Ուղղափառ եկեղեցիների ներկայացուցիչները և բարձրաստիճան դիվանագետները, այդ թվում ԱՄՆ պետքարտուղար Մայք Պոմպեոն:
1985 թվականին տաճարը ներառվել է ՅՈՒՆԵՍԿՕ-ի մշակութային ժառանգության հուշարձանների ցանկում: -0-
Պատճենել հղումը
