Եվրատեսիլի հայ մասնակիցը ելույթ կունենա Բաքվում մայիսի 24-ին

ԵՐԵՎԱՆ, 26 հունվարի. /Նովոստի-Արմենիա/. Եվրատեսիլի հայաստանյան ներկայացուցիչը ելույթ կունենա բաքվում մայիսի 24-ին երկրորդ կիսաեզրափակչին, չորեքշաբթի անցկացված վիճակահանության արդյունքները հրապարակված են Եվրատեսիլի կայքում:

Այդ կիսաեզրափակչին ելույթ կունենա 19 երկիր:

Հայաստանը կներկայանա կիսաեզրափակչի առաջին մասում Սերբիայի, Նիդեռլանդների, Պորտուգալիայի, Մակեդոնիայի, Բելառուսի, Մալթայի, Ուկրաինայի ու Բուլղարիայի ներկայացուցիչների հետ:
«Եվրատեսիլ» մրցույթի հայկական պատվիրակության ղեկավար Գոհար Գասպարյանը վերջերս հայտնել էր, որ Հայաստանը կմասնակցի մրցույթին և հայ մասնակցի անունը կհրապարակի հունվարի վերջին:

Հայաստանը սպասում է, որ իր պատվիրակությանն անվտանգության լուրջ երաշխիքներ կտա ոչ միայն հյուրընկալող երկիրը, այլև Եվրոպական հեռարձակողների միությունը, այն միջազգային կազմակերպությունները, որոնք պատասխանատու են 2012 թվականի մայիսին Բաքվում կազմակերպվող մրցույթի համար:

Վիճակահանությանը մասնակցել է 37 երկիր: Մասնակից-երկրների ելույթների հերթականությունը պարզ կդառնա մարտին անցկացվող վիճակահանությունից հետո, որին կմասնակցեն պատվիրակությունների ղեկավարները:
Ադրբեջանն այս հայտնի մրցույթի անցկացման իրավունք էր ստացել Եվրատեսիլ-2011-ին Էլդար Հասիմովի և Նիգյար Ջամալի զուգերգից հետո:
Եվրատեսիլ-2012-ը կանցկացվի մայիսի 22-26-ը Բաքվում, Crystal Hall համերգային համալիրում, որի շինարարությունը դեռ ընթացքի մեջ է:
Մրցույթի մասնակիցները կբաժանվեն երկու խմբի և ելույթ կունենա մայիսի 22-ին և 24-ին:--0-