«Ձմեռ Պապ 2011» երկրորդ միջազգային ցուցահանդեսը տեղի կունենա դեկտեմբերի 10-ին Երևանում, հինգշաբթի «Նովոստի-Արմենիա» գործակալությանը հաղորդեցին միջոցառման կազմակերպիչ հանդիսացող Էկոյի կենտրոնից:
«Ցուցահանդեսը նվիրված է ծննդյան տոներին և միջոցառման այցելուներին ու մասնակիցներին հնարավորություն է ընձեռում Ծննդյան ոգով լցվել, հանգստանալ և հարազատների և մտերիմների համար յուրահատուկ նվերներ ձեռք բերել»,- ասվում է հաղորդագրության մեջ:
Ցուցահանդեսին մասնակցում են մի շարք ինչպես տեղի, այնպես էլ միջազգային կազմակերպություններ` առողջության և գեղեցկության կենտրոններ, ռեստորաններ, կոսմետոլոգիական կլինիկաներ, բուժական և դեկորատիվ կոսմետիկայի, մաշկի և մազերի խնամքի միջոցներ արտադրող և ներմուծող ընկերություններ, արվեստի գործիչներ, Հայաստանում հայտնի հագուստի և զարդերի մոդելավորողներ, օրգանիկ սնունդի արտադրողներ, շատ հայտնի ամսագրեր և թերթեր:
«Ցուցահանդեսների շրջանակներում կկայանա համերգ, նորաձևության ցուցադրություն, կանցկացվի թանկարժեք իրերի խաղարկություն, որտեղ խաղարկվելու են բազմաթիվ մրցանակներ»,- խոստանում են կազմակերպիչները: -0-
