Յուրաքանչյուր երրորդ բրիտանացին սմարթֆոն ունի և դրանից չի բաժանվում անգամ պետքարանում. ուսումնասիրություն

Բրիտանացիների մեկ երրորդն արդեն սմարթֆոն է ձեռք բերել, և մարդիկ այնպես են կապվել այդ սարքավորման հետ, որ դրանից չեն բաժանվում անգամ պետքարանում, սա են վկայում հեռահաղորդակցությունների ոլորտի բրիտանական կարգավորիչի՝ Ofcom-ի ամենամյա ուսումնասիրությունների արդյունքները, հաղորդում է ՌԻԱ Նովոստին:

Մեծահասակների մոտ 27 և թինեյջերների 47 տոկոսն ունեն գործողությունների ողջ հավաքածուով բազմաֆունկցիոնալ մուլտիմեդիոն հեռախոսը: Մեկ տարի առաջ Մեծ Բրիտանիայում սմարթֆոնների մասնաբաժինը կազմել է բջջային կապի բոլոր սարքավորումների շուրջ քառորդ մասը:

Բրիտանացի անչափահասների գրեթե կեսը (47%) խոստովանել է, որ սարքավորումից օգտվում են անգամ պետքարանում և լոգարանում: Մեծահասակների շուրջ 37 և երիտասարդների 60 տոկոսը կարծում է, որ արդեն կախվածության մեջ է ընկել իր սմարթֆոնից այն աստիճան, որ կարող է գիշերն արթնանալ և ստուգել այն: Բրիտանացիների մոտ 18 տոկոսը սմարթֆոնն օգտագործում է թատրոնում և կինոյում, չնայած գիտի, որ դա չի թույլատրվում:

2010թ.-ի վերջի դրությամբ մեծահասակ բրիտանացիների մոտ սմարթֆոնի առավել ճանաչված պիտակը iPhone-ն է (բոլոր հեռախոսների 32 տոկոսը), թինեյջերների մոտ՝ BlackBerry-ն (37%): -0-