ԵՐԵՎԱՆ, 29 ապրիլի./Նովոստի–Արմենիա/. Ռուսաստանցի հայտնի դերասան Մարատ Բաշարովն
НТВ–ին տված հարցազրույցում խոստովանել է, որ կցանկանար վերադառնալ Հայաստան` «մի փոքր կանգ առնելու, մի քիչ ապրելու, մի քիչ խորհելու համար»։
«Այժմ նայեցի և կրկին ուզեցի այդ բոլոր վայրերով ոչ միայն մեքենայով գնալ, նայել ու վերջ, այլ մի փոքր կանգ առնել, մի փոքր ապրել, մի փոքր խորհել, այնպես, ինչպես նկարահանումների ժամանակ։ Ոչ թե հապշտապ, այլ հանգիստ, առանց նյարդերի, առանց հապաղելու»,– ասել է նա։
Բաշարովը Հայաստանում է եղել ռեժիսոր Արսեն Աղաջանյանի «Ես քեզ հաղթանակ կնվիրեմ» ֆիլմի նկարահանումների շրջանակում։ Արդեն նկարահանումներից հետո նա НТВ հեռուստաալիքին պատմել է այն մասին, որ ամենից շատ Հայաստանում նա տպավորված էր խոհանոցով և, իհարկե, մարդկանցով։
«Հայաստանում ամենից շատ հիշվեց սնունդը։ Այնտեղ շատ համեղ է։ Այնտեղ ամեն ինչ այնքան հասուն է, այնքան հյութեղ, հագեգած, և ոչ միայն ուտելիքը, այլ նաև բնությունը, և օդը, և, կարևորը, մարդիկ։ Որքան են նրանք բոլորը հյութեր, հասուն և, կարևորը, օգտակար։ Նրանցից ոչ մի վնաս չկա»,– ասաց Բաշարովը և կատակեց, որ «արդեն մի փոքր հայի պես է սկսել խոսել»։
Նա նաև վստահ է, որ հայկական ուտելիքից «որ ոք երբեք չի գիրացել, որ ամեն ինչ միայն օգուտ է տալիս»։
Բաշարովը նաև հայտնել է, որ իրեն չհաջողվեց հայկական կոնյակ համտեսել, որովհետև ինքը տեղական գինիներ էր խմում։
«Դրանք շքեղ են և ապշեցնող»,– ասել է դերասանը։ -0-