ԵՐԵՎԱՆ, 23 ապրիլի. /Նովոստի–Արմենիա/. ԽՍՀՄ վաստակավոր մարզիչ Տատյանա Տարասովան կարծիք է հայտնել գեղասահորդուհի Եվգենիա Մեդվեդևայի լատեքսային կոստյումի վերաբերյալ։ Այդ մասին գրում է
lenta.ru–ն` հղում անելով НСН–ին։
Տարասովան հայտնել է, որ գեղասահորդները միշտ էլ սահում են էլաստիկ, կազմվածքն ընդգրկող կոստյումներով։
«Ի՞նչ են գտել այդ կոստյումի մեջ, հարցնում եմ։ Իրեն ի՞նչ գործն է։ Ի՞նչ է, ժողովուրդն այլ անելիք չունի՞։ Թող գնան գրողի ծոցը` զզվացրին արդեն։ Կպել են աղջիկներին` նախանձից ելնելով։ Թող իրենց նայեն»,– ասել է նա։
Ապրիլի 19–ին Մեդվեդևան ներկայացրել է իր նոր համարը Սեուլում անցկացվող Ice Fantasia 2019 շոուում։ Գեղասահորդուհին ելույթ է ունեցել վարդագույն լատեքսային կարճ կիսաշրջազգեստով և կարճ տոպով։ Համարի ժամանակ նա հանել է իր վրայից մուշտակը` մնալով վարդագույն կոստյումով։ Սոցցանցերի օգտատերերը զգեստը շատ համարձակ են համարել` համեմատելով պոռնոգրաֆիայի հետ։
Ավարտվող սեզոնում Մեդվեդևան նվաճել է Ռուսաստանի գավաթը և աշխարհի առաջնության բրոնզե մեդալը։ -0-
