Սիրով` Լյուբով Ուսպենսկայային. Լևոն Մալխասյանը դուդուկ է նվիրել երգչուհուն (ՎԻԴԵՈ)

ԵՐԵՎԱՆ, 9 մարտի. /Նովոստի-Արմենիա/. «Առաջին ալիքով» հեռարձակվող «Այսօր երեկոյան» հեռուստահաղորդման շրջանակում ջազմեն Լևոն Մալխասյանը շնորհավորել է ռուսական շանսոնի թագուհի Լյուբով Ուսպենսկայային հոբելյանի առթիվ:

Երգչուհին հիացմունք է հայտնել երևանյան «Մալխաս ակումբի» և այնտեղ աշխատող երաժիշտների մասին:

Երևանից ուղիղ միացման ընթացքում Մալխասյանը պատմել է Լյուբով Ուսպենսկայայի հետ Երևանում մի տարվա ընթացքում կատարած համատեղ աշխատանքի մասին: Հայտնի ջազմենը երգչուհու համար նվեր է ընտրել Վերնիսաժից:

«Լյուբա ջան, շնորհավորում եմ քեզ ծննդյանդ օրվա առթիվ: Մաղթում եմ քեզ բազմաթիվ լուսավոր օրեր և անկեղծ ընկերներ այս տարի: Ուզում եմ քեզ նվիրել հայկական ազգային երաժշտական գործիքը` դուդուկը»,- ասել է Մալխասյանը: -0-