ԵՐԵՎԱՆ, 17 սեպտեմբերի. /Նովոստի–Արմենիա/. Ռուս շոումեն, հեռուստահաղորդավար, Comedy Club–ի ռեզիդենտ Ալեքսանդր Ռևայի կինը` Անժելիկան, պատմել է հայկական արմատների մասին։
«Իմ հայրը հայ է, մայրս ռուս... ես խառնածին եմ... դեմ եմ սահմաններին, և պետք չէ սահմաններ կառուցել... Բացարձակ կոսմոպոլիտ եմ։ Սիրում եմ այս աշխարհը և կարծում եմ, որ երկրագունդը բոլորի համար է... Այսպիսին է իմ գիտակցումը... Ես առաջին անգամ եմ այցելել իմ նախնիների հողը և խորապես տպավորված եմ ազգի մշակույթով և գրավչությամբ... Սա սեր է առաջին հայացքից։ Եկեք Հայաստան և համոզվեք, որ այն բացառիկ է։ Ո՞վ է եղել Հայաստանում։ Ի՞նչ տպավորություններ», – գրել է Անժելիկա Ռևան Instagram–ի իր էջում։
Իր հրապարակման հետ նա լուսանկար է հրապարակել հայտնի ամուսնու հետ #армения #ереван #2800лет հեշթեգերով։
Հանգստյան օրերին Երևանում առաջին անգամ անցկացվեց Comedy Club փառատոնը, որը նվիրված էր քաղաքի 2800–ամյակին։ Փառատոնին մասնակցելու համար Երևան են ժամանել Comedy–ի բազմաթիվ ռեզիդենտներ, հյուրեր, օրինակ, Ժան Կլոդ Վան Դամը, հաղորդավարուհի Օլգա Բուզովան և ռուս այլ աստղեր։ -0-