ԵՐԵՎԱՆ, 14 հոկտեմբերի. /Նովոստի-Արմենիա/. Համացանցում ուշադրություն են դարձրել այն տեսանյութին, որում Թուրքմենստանի նախագահ Գուրբանգուլի Բերդիմուհամեդովը ՌԴ նախագահ Վլադիմիր Պուտինին ալաբայի ձագ է նվիրում: Տեսանյութը հրապարակվել էր «Կոմսոմոլսկայա պրավդա»-ի հատուկ թղթակից Դմիտրի Սմիրնովի Twitter-ի էջում:
«Կենդանիների նկատմամբ հարցի վերաբերյալ` ահա ինչպես է պահում ձագին Բերդիմուհամեդովը և ինչպես է պահում Պուտինը», — նշել է նա:
Գրեթե մեկ օրվա ընթացքում Սմիրնովի հրապարակումը հավաքել է ավելի քան 1.6 հազար լայք, 900 վերահրապարակում և գրավել է սոցցանցի օգտատերերի ուշադրությունը, ովքեր սկսել են քննարկել Թուրքմենստանի նախագահին, ով իբր շատ կոպիտ է վարվել շնիկի հետ:
Загружается новость ... "Лево"
«Վախենում էր, որ կարող է կոստյումը շան մազերով ծածկվի», — վրդովմունք են հայտնել դժգոհ օգտատերերը:
Չնայած բացասական մեկնաբանություններին` Բերդիմուհամեդովին բազմաթիվ օգտատերեր պաշտպանել են, ասելով, որ նա ամեն ինչ ճիշտ է արել` «Նորմալ է նրան պահում Բերդիմուհամեդովը, հերիք է չեղած բաներ հնարեք», — գրել է օգտատերերից մեկը:
«Բերդիմուհամեդովն ատամնաբույժ է: Նա ատամներ էլ կարող է հեռացնել», — գրել է մեկ ուրիշը:
Верный անունով շնիկին Բերդիմուհամեդովը Պուտինին է նվիրել հոկտեմբերի 11-ին` շնորհավորելով ՌԴ առաջնորդին անցած ծննդյան օրվա առթիվ: -0-