Պոզներ. Հայաստանին պետք է ժողովրդավարություն, Ադրբեջանին`ակնհայտորեն` ոչ

ԵՐԵՎԱՆ, 29 ապրիլի./Նովոստի–Արմենիա/. Ռուսաստանցի հայտնի հեռուստալրագրող և հաղորդավար Վլադիմիր Պոզները Познер Online ռեսուրսում իր կարծիքն է հայտնել այն մասին, թե արդյո ՞ ք հետխորհրդային երկրներին պետք է ժողովրդավարություն, և կարելի է արդյո ՞ ք դրան «պատրաստ» լինել:

«Նախկին խորհրդային որոշ հանրապետություններին ժողովրդավարությունն այս կամ այն տեսքով, այս կամ այն ծավալով պետք է`Բալթյան երկրներին, Վրաստանին, Հայաստանին, Մոլդովային, Ուկրաինային, Ռուսաստանին: Մյուսներին` Ադրբեջանին, Ղազախստանին, Միջին Ասիայի երկրներին այսօրվա դրությամբ, ակնհայտորեն, պետք չէ»,- ասել է Պոզները:


«Ի վերջո, իմ կարծիքով, այս կամ այն ժողովուրդն ինչ-որ բանի «պատրաստ» է լինում պատմական զարգացման և փորձի արդյունքում: Եվ երբ նա պատրաստ է, այն կատարվում է»,- ավելացրել է նա:

Հայաստանում 2018 թվականի ապրիլի 13-ին անցկացված մեծածավալ բողոքի ակցիաների ֆոնին ապրիլի 23-ին վարչապետ Սերժ Սարգսյանը հայտարարեց իր հրաժարականի մասին: Մայիսի 8-ին,. Սահմանադրության համաձայն, խորհրդարանը հատուկ նիստում ընդդիմության առաջնորդ Նիկոլ Փաշինյանին վարչապետ ընտրեց: Նույն տարվա աշնանը Փաշինյանը հրաժարական տվեց` խորհրդարանի արձակման և արտահերթ խորհրդարանական ընտրությունների անցկացման նպատակով: Նոյեմբերի 1-ին, Սահմանադրությանը համապատասխան, խորհրդարանն արձակվեց իրավունքի ուժով: Նույն օրը նախագահ Արմեն Սարգսյանը դեկտեմբերի 9-ին նշանակեց արտահերթ խորհրդարանակն ընտրություններ, որոնց արդյունքներով, մեծ տարբերությամբ հաղթանակ տարավ Փաշինյանի գլխավորած «Իմ քայլը» դաշինքը ձայների 70,43%-ով: 2019 թվականի հունվարի 14-ին նախագահը հրամանագիր ստորագրեց Նիկոլ Փաշինյանին վարչապետ նշանակելու վերաբերյալ: -0-