ԵՐԵՎԱՆ, 28 սեպտեմբերի. /Նովոստի Արմենիա/. Սեպտեմբերի 28–ին Playboy ամսագրի Twitter–ի էջում լուր հայտնվեց այն մասին, որ Հյու Հեֆները մահացել է 91 տարեկան հասակում։
Տղամարդկանց հայտնի ամսագրի հիմնադրի կինը` Քրիստալ Հարիսը (Crystal Harris), չի ժառանգի ամուսնու կարողությունը։ Այդ մասին հայտնում է
Lenta.ru–ն` հղում անելով The Daily Mail–ին։
Նշվում է, որ Հեֆների հետ ամուսնանալուց առաջ Հարիսը ստորագրել է բավականին խիստ պայմաններով ամուսնական պայմանագիր։ Բացի դրանից, նրա անունը չի հիշատակվում գործարարի կտակում։
Загружается новость ...
"Право"
Նրա ամբողջ կարողությունը կժառանգեն նրա երեխաները` Քրիսթին, Դևիդը, Մարսթոնը և Կուպերը, ունեցվածքի մի մասը կփոխանցվի Հարավային Կալիֆոռնիայի Համալսարանին և մի քանի բարեգործական կազմակերպություններին։
Հեֆները ու Հարիսը ամուսնացել են 2012 թվականին Լոս Անջելեսում։ Playboy ամսագրի հիմնադիրը նշում էր, որ իրեն չի անհանգստացնում տարիքային տարբերությունը, որը կազմում է 60 տարի, և նա պատրաստ է ապրել կնոջ հետ մինչև մահ։
Հարիսը եղել է նրա երրորդ կինը։ 1949 թվականին նա ամուսնացել է Միլդրեդ Ուիլյամսի հետ, ում հետ ապրել է 10 տարի։ 1989 թվականին նա ամուսնացել է Պոյթեմատ Քիմբերլիի հետ, ումից բաժանվել է 1998 թվականին։ –0–