Պարզվում է, որ շատերս մինչև հիմա չգիտեինք «Թոմը և Ջերին» մուլտֆիլմի գլխավոր գաղտնիքը (ՖՈՏՈ)

ԵՐԵՎԱՆ, 27 մայիսի․ /Նովոստի-Արմենիա/․ Twitter-ի օգտատերերը հասկացել են, որ Թոմի և Ջերիի պատմությունն իրականում ավելի բարդ է, քան իրենց թվացել է։ Հազարավոր մարդիկ իմացել են, թե ինչու է կատուն որսում մկանը, բայց այդպես էլ ավարտին չի հասցնում իր գործը։ Այս մասին հայտնում է medialeaks.ru-ն։

Սակայն մի բան կա մուլտֆիլմում, որը երբեք չի փոխվում։ Դա Թոմի՝ Ջերիի հետևից ընկնելն է։ Շատերը մտածում են, որ կատուն ցանկանում է բռնել մկանը և ուտել, սակայն ուշադիր հանդիսատեսները գիտեն, որ դա այդպես չէ։

Վերջերս Twitter-ի օգտատերերից մեկը որոշել է հասկանալ Թոմի և Ջերիի հարաբերությունները։ Նա Google-ին հարցրել է «Թոմը և Ջերին լավագույն ընկերնե՞ր են»։ Եվ պատասխանը եղել է դրական։

Նա հրապարակել է պատասխանը, որում ասվում է․

«Թոմը և Ջերին լավագույն ընկերներ են։ Թոմը ստիպված է ձևացնել, իբր ատում է Ջերիին, որպեսզի պաշտպանին նրան։ Հակառակ դեպքում տիրուհին նրա փոխարեն նոր կատու կբերի, որն իսկապես կցանկանա սպանել մկանը»։

Օգտատերերը զարմացել են, բայց և հասկացել, թե ինչու է կատուն սերիաներից մեկում փրկում մկան կյանքը, երբ մտածում է, որ իսկապես սպանել է նրան։-0-

Is that why he tried to help him when he thought he actually killed him? pic.twitter.com/03kJP150BG

— Jerica⁷ ᴰ² ⟭⟬ ⟬⟭ (@Jericat52) May 24, 2020