Օդանավի արտասովոր «ուղևորները» իրարանցում են առաջացրել սրահում (ՎԻԴԵՈ)

ԵՐԵՎԱՆ, 2 մարտի./Նովոստի-Արմենիա/. Երկու աղավնի հայտնվել են օդանավի սրահում և չվերթը հետաձգել կես ժամով, հաղորդում է korrespondent.net-ը:

Համացանցում հայտնվել է տեսանյութ, որտեղ երևում է, թե ինչպես են աղավնիները օդանավի սրահում իրենց տեղաշարժով «անհանգստացրել» ուղևորներին: Տեսանյութը նկարահանել և հրապարակել են կատարվածի ականատեսները:

Տեսանյութը նաև տեղադրվել է հնդիկ լրագրող Նիրնայ Կապուրի Twitter-յան էջում:

Կադրերում երևում է, թե ինչպես են երկու աղավնիները թռչում օդանավի սրահում: Թռչունները տեղաշարժվում են շատ արագ, այնպես որ ուղևորներն ու բորտուղեկցորդուհիները չեն կարողանում նրանց բռնել:

Ավիաընկերության տեղեկացմամբ, անձնակազմի անդամները կարողացել են բռնել ու մեկուսացնել թռչուններին: Ընդ որում հաղորդվում է, որ ինքնաթիռը ժամանակին դուրս է եկել օդանավակայանից, բայց նշանակաված վայր հասել է 30 րոպե ուշացմամբ: -0-

#Shocking बर्ड-हिट की समस्या से जूझ रहे अहमदाबाद एयरपोर्ट पर 28 फरवरी को जयपुर, उड़ने के लिए तैयार खड़े @goairlinesindia के विमान में दो कबूतर घुसे। कुछ दिन पहले भी यहां बर्ड-हिट के वजह से #goair के विमान के इंजन में आग लग गयी थी। @indiatvnews @AAI_Official @DGCAIndia https://t.co/u9WfJ0mbWN pic.twitter.com/TXMSex4lf5

— Nirnay Kapoor (@nirnaykapoor) February 29, 2020