Նոր սկանդալ ռուսական շոու–բիզնեսում. Վիկտորիա Բոնյան կտրուկ պատասխանել է Քսենիա Սոբչակին (ՎԻԴԵՈ)

ԵՐԵՎԱՆ, 27 փետրվարի./Նովոստի–Արմենիա/. Վիկտորիա Բոնիան արձագանքել է 37–ամյա Քսենիա Սոբչակի հեգնանքին իր կենսակերպի մասին։ Բոնիայի կարծիքով, Սոբչակը նրան պարզապես նախանձում է։

Հայտնի հեռուստաաստղն Instagram–ում հրապարակել է կարճ տեսանյութ, որտեղ 6–ամյա Անգելինայի հետ հյուրանոցի թանկարժեք համարում է։ Նրանք հիանում են սեղանի վրա դրված նվերներով և լողավազանով։ Տեսանյութին կից Բոնիան ավելացրել է Սոբչակի լուսանկարն ու գրել. «Քսենիա Սոբչակի դեմքը, երբ նա իմացավ, որ մենք ապրել ենք այս հյուրանոցում»։

Հրապարակման մեկնաբանության մեջ Վիկտորիան նշել է, որ չի հասկանում` ինչու է Քսենիան հեգնում իր «իբր շքեղ կյանքը» և գրում է հեգնական գրառումներ։

View this post on Instagram

A post shared by Victoria Bonya (@victoriabonya) on Feb 26, 2019 at 4:36am PST

«Ես չեմ սկսել այս ամենը։ Նա տարիներ շարունակ մտահոգվում է, անհասկանալի է, թե ինչ չի բավարարում նրան երջանկության համար։ Ես անգամ մոռացել էի նրա գոյության մասին։ Ինձ համար նման մարդիկ գաղտնիք են», – գրել է հեռուստաաստղը։

Վիկտորիան ավելացրել է, որ չի հասկանում` ինչու է Սոբչակը որոշել, որ նա չի կարող թույլ տալ իրեն և դստերը թանկարժեք հյուրանոց։

Ըստ Վիկտորիայի, երկու աստղերի միջև պատերազմը սկսվեց Սոբչակի հրապարակումից հետո, որը նա արել էր նախորդ շաբաթ։ Հրապարակման մեջ Սոբչակը հեգնում էր Բոնիայի Stories–ը։

«Շատ ծիծաղելի է։ Վիկտորիա Բոնիան ներկայացնում է իբր «շքեղ կյանքը», իսկ հետո փորձում է ավելի բարձր բղավել սեփական դստերից, որը փորձում է ասել, որ «մենք այստեղ չենք ապրում»», – գրել էր Սոբչակը։

Բոնիան իր հերթին նշում է, որ թույլ չի տվել դստերը խոսել պարզապես կատակով։ Նրա բաժանորդները կարծում են, որ աղջիկը փորձում էր ասել. «Մենք այստեղ չենք ապրում», իսկ նրա մայրիկը չէր ցանկանում ժամանակից շուտ բացահայտել նոր սիրավեպը։

Համացանցում ժամանակ առ ժամանակ հայտնվում են մարդիկ, ով պնդում են, որ Բսոնիան ապրում է ոչ այնքան շքեղ կյանքով, որքան ներկայացնում է։ Բոլորովին վերջերս նրան մեղադրել էին ստի մեջ բրազիլացի ֆուտբոլիստ Նեյմարի ծննդյան օրվա լուսանկարների հրապարակումից հետո։ Իսկ հոկտեմբերին նրա նախկին զուգընկերը հայտարարել էր, որ Վիկտորիան չափազանց շատ է ստում, սակայն իրականում չի կարողանում վճարել բնակարանի վարձը։–0–