Նման պահերին ընտանիքն անզոր է. Քիմ Քարդաշյանն առաջին անգամ խոսել է Քանյե Ուեսթի հիվանդության մասին (ՖՈՏՈ)

22.07.2020, 22:58
Քիմ Քարդաշյանն արձագանքել է Քանյե Ուեսթի ոչ միանշանակ Twitter-յան գրառումներից հետո. ՖՈՏՈ
Նման պահերին ընտանիքն անզոր է. Քիմ Քարդաշյանն առաջին անգամ խոսել է Քանյե Ուեսթի հիվանդության մասին (ՖՈՏՈ)

ԵՐԵՎԱՆ, 22 հուլիսի./Նովոստի-Արմենիա/. Ամերիկահայ հեռուստաաստղ Քիմ Քարդաշյանն իր Instagram-ի story-ներում հրապարակում է արել՝ պատմելով ամուսնու՝ Քանյե Ուեսթի մոտ երկբևեռ խանգարման մասին:

Загружается новость ... "Лево"

Հեռուստաաստղի այս քայլը հաջորդել է օրերս Քանյե Ուեսթի Twitter-ում արված ոչ միանշանակ գրառումներին:  ԱՄՆ նախագահի պաշտոնի համար առաջադրված Քանյե Ուեսթը իր Twitter-ում գրառումներ է արել՝ պատմելով, որ Քիմն ու նրա մայրը՝ Քրիս Ջենները, փորձում են երկու բժիշկների հետ միասին մեկուսացնել իրեն: Մեկ այլ գրառմամբ նա հայտնել է, որ չի թույլ տալու իր երեխաները շփվեն Քարդաշյանի մոր հետ: Իսկ մյուս գրառումը առավել զարմանալի է եղել. նա հայտնել է, որ երկու տարի է ցանկանում է բաժանվել Քիմից, քանի որ վերջինս դավաճանել է իրեն: Գրառումները, սակայն, որոշ ժամանակ անց ջնջվել են:

Քիմ Քարդաշյանը իր story-ներում խոստովանել է, որ ամուսինը տառապում է երկբևեռ խանգարմամբ: Քիմը նշել է, որ ինքը մինչև վերջին պահը չի ցանկացել հրապարակային հայտարարություններ անել՝ հարգելով ամուսնու բժշկական գաղտնիքը, ինչպես նաև երեխաներին պաշտպանելու համար: Սակայն վերջին իրադարձությունները և իրավիճակը պարզաբանելու ցանկությունը ստիպել են իրեն խոսել:

«Շատերդ գիտեք, որ Քանյեն ունի երկբևեռ խանգարում: Այս հիվանդությանը հանդիպած յուրաքանչյուր մարդ գիտի, թե որքան բարդ է նման հիվանդությամբ ապրելը: Ես երբեք չեմ պատմել, թե ինչպես է Քանյեի հիվանդությունն ազդում մեր ընտանեկան կյանքի վրա, որովհետև ինձ համար կարևոր է մեր երեխաներին մաքսիմալ պաշտպանելը: Բացի այդ, ես գնահատում եմ իմ ամուսնու գաղտնիության իրավունքը, երբ խոսքն իր առողջության մասին է»,- նշել է նա:

 - рис.1

«Նրանք, ովքեր հասկանում են, թե ինչ է հոգեկան հիվանդությունը կամ կոմպուլսիվ վարքը, գիտեն, որ ընտանիքը, ցավոք սրտի, անզոր է այն ժամանակ, երբ մարդու մոտ ակտիվանում է հիվանդությունը: Մարդիկ, ովքեր չեն հասկանում, թե ինչի մասին է խոսքը, կարող են շատ քննադատորեն և խիստ վերաբերվել՝ չհասկանալով, որ քանի դեռ մարդը ինքը չցանկանա օգնություն ստանալ, նրան չեն կարող օգնել, որքան էլ շատ ընտանիքն ու հարազատներ փորձեն անել դա»,- հայտնել է Քարդաշյանը:

Նա նշել է, որ այս հիվանդությունը դատավճիռ չէ. Այն ոչ մի կերպ չի ազդում իր երազանքների և գաղափարների վրա, չնյայած որոշներին հակառակն է թվում. «Դա պարզապես իր մասնիկն է, իսկ ինչպես մենք արդեն տեսել ենք, նրա գաղափարներից շատերը իրականություն են դառնում»:

Քիմը նշել է, որ այս պարագայում կարևոր է ըմբռնումով և ողորմածությամբ վերաբերվել մարդկանց, ովքեր հիվանդության ակտիվ փուլում են գտնվում և ամենաշատը հենց դրա կարիքն ունեն: Նաև հեռուստաաստղը կոչով դիմել է ԶԼՄ-ներին և հասարակությանը՝ խնդրելով կարեկցանքով, ողորմածությամբ և սրտացավորեն վերաբերվել իր ընտանիքին, քանի դեռ իրենք այդ բարդ շրջանով են անցնում:

Հիշեցնենք, որ Քանյե Ուեսթը հայտնել է ԱՄՆ նախագահի պաշտոնում առաջադրվելու մտադրության մասին, իսկ օրեր առաջ արդեն անցկացրել է իր առաջին նախընտրական հանրահավաքը՝ հանդիպելով ընտրողների հետ: Հանդիպմանը նա անգամ հուզվել է՝ խոսելով աբորտների թեմայի մասին և պատմել, որ սկզբում չի ցանկացել, որ իր ավագ դուստրը՝ Նորթը լույս աշխարհ գա: -0-