ԵՐԵՎԱՆ, 30 ապրիլի. /Նովոստի-Արմենիա/. Մեր առողջության գրավականը ճիշտ սովորություններն են: Մեզանից շատերը զբաղվում են սպորտով, փորձում են կարգավորել քունը և ճիշտ սնվել: Բայց միայն շատ քչերը գիտեն, թե ինչպես համադրել մթերքները՝ առավելագույն օգուտ ստանալու համար, քանի որ դրանց որոշակի համադրություններ ուժեղացնում են միմյանց գործողությունը:
Եվ այսպես,
fitnessi.ru-ն ներկայացնում է մթերքների 9 համադրություն՝
1.Հավկիթ և լոլիկներ = երիտասարդություն
Լոլիկով ձվածեղը նախաճաշի լավագույն կերակրատեսակն է: Լոլիկը հարուստ է սելենով, իսկ հավկիթները՝ Е վիտամինով: Համադրելով այս մթերքները՝ դուք օգնում եք այս նյութերին ավելի լավ յուրացվել: Այս երկու մթերքների վիտամինների համադրությունը դանդաղեցնում է ծերացումը:
2.Լոլիկներ և բուսայուղ = գեղեցիկ մաշկ
Լոլիկներն ու բուսական յուղը ստեղծված են միասին լինելու համար: Նախևառաջ, դա համեղ է, իսկ երկրորդը՝ լոլիկներում պարունակվող լիկոպին հակաօքսիդանտը բուսական ճարպերի համադրությամբ բարելավում է մաշկի վիճակը:
3.Հավ և գազար = իմունիտետ
Գազարը պարունակում է մեծ քանակությամբ վիտամին А: Իսկ հավի միսը հարուստ է ցինկով: Համադրելով այս երկու մթերքները՝ դուք օգնում եք օրգանիզմին ամրապնդել իմունիտետը:
4.Տավարի շոգեխաշած միս և կարմիր գինի = անոթների առողջություն
Մսով ընթրիքից հետո ընդամենը մի գավաթ կարմիր գինին կօգնի կանխել խոլեստերինային կուտակումները: Բայց ամեն ինչ չափի մեջ:
5.Յոգուրտ և կտավատի սերմեր = հիանալի մարսողություն
Յոգուրտները հարուստ են պրոբիոտիկներով և օգտակար բակտերիաներով: Որպեսզի դրանք ամբողջությամբ ազդեն օրգանիզմի վրա, դրանց պետք է օգնության գան բուսական մանրաթելերը՝ պրեբիոտիկները: Իսկ դրանք մեծ քանակությամբ պարունակվում են կտավատի սերմերում: Ավելացրեք դրանք յոգուրտներին կամ կեֆիրին, և ձեր մարսողական համակարգը ձեզ շնորհակալ կլինի:
6.Վարսակափաթիլներ և խնձոր = առողջ սիրտ
Առանց օրգանիզմին վնաս տալու նիհարելը հնարավոր է՝ առավոտյան խնձորով վարսակափաթիլներ կերեք: Վարսակի բջջանյութը նպաստում է մարսողական համակարգի կարգավորմանը, ինչպես նաև բարելավում է անոթային համակարգի վիճակը, ինչն ապահովում է սրտի առողջությունը: Իսկ թարմ խնձորի ֆլավոնոիդները պաշտպանում են օրգանիզմն ազատ ռադիկալներից:
7.Կանաչ թեյ և կիտրոն = պաշտպանություն քաղցկեղից
Կանաչ թեյի կատեխինները դանդաղեցնում են քաղցկեղածին բջիջների աճը: Կիտրոնի հյութն օգնում է այդ օրգանական նյութերին յուրացվել:
8.Հաց և պանիր = ամուր ոսկորներ
Կալցիումի լավ յուրացման համար անհրաժեշտ է, որ սննդակարֆում բավարար քանակության ճարպաթթուներ և սպիտակուցներ լինեն: Այդ պատճառով օգտագործեք հաց և պանիր:
9.Հավկիթներ և սպանախ = կյանք առանց նախադաշտանային ախտանիշի
Այն կանայք, ովքեր անհրաժեշտ քանակության կալցիում և D վիտամին են օգտագործում, ավելի հազվադեպ են տառապում նախադաշտանային ախտանիշի դրսևորումներից: Այդ իսկ պատճառով օգտագործեք այս մթերքների համադրությունը:
Եղե՛ք առողջ:
