Մկաններ մարզելն ուղղակիորեն կապված է առողջության հետ. գիտնականներ

ԵՐԵՎԱՆ, 13 հուլիսի. /Նովոստի-Արմենիա/. Ամերիկացի գիտնականները պարզել են, որ գեր և հիվանդություններ ունեցող մարդկանց ավելի ճիշտ է ոչ թե կենտրոնանալ ճարպից ազատվելու, այլ մկանների ամրացման վրա: Այդ մասին ասվում է Medicalexpress կայքում հրապարակված հետազոտությունում, գրում է mk.ru-ն:

Գիտական աշխատության հեղինակները կարծում են, որ սթրեսը, պասիվ կենսակերպը և սխալ սնվելն ուղղակիորեն կապված են թույլ մկանների հետ: Դրանք գործոններ են, որոնք նվազեցնում են ինսուլինի նկատմամբ զգայունությունը և դիաբետի զարգացման պատճառ դառնում: Մկանների առավելություններից մեկը, դոկտոր Ռայան Հարիսի կարծիքով, դա արյան միջից գլյուկոզան դուրս մղելու հատկությունն է: Մարզված մկանների կողմից գլյուկոզայի օգտագործումը նվազեցնում է դիաբետի և սիրտ-անոթային հիվանդությունների զարգացումը:
Ավելի վաղ հետազոտությունները, որոնք ներառում են տարեց պացիենտներին հետևելը, ովքեր կողմից գնդակ են սեղմում, ցույց են տվել, որ մկանային ուժն անուղղակիորեն ցույց է տվել առողջական վիճակը և կյանքի տևողությունը:

Որքան թույլ էր սեղմումը, այնքան մեծ էին ծանր հիվանդությունների ռիսկերը, և այնքան ավելի ցածր` կյանքի տևողությունը: Ընդ որում` նմանատիպ էֆեկտը նկատվում էր նաև երիտասարդ պացիենտների մոտ:

Ֆենոմենի ուսումնասիրությունը շարունակվում է, բայց արդեն իսկ պարզ է` մկաններ մարզելը միանգամայն օգտակար է: -0-